無人戴口罩?網民怒斥:對唔對得住身體力行嘅老友記!

建制派議員喺尋日(10月3日)召開記者會,成立咗「禁蒙面法推動組」,建議政府要立《禁蒙面法》。記者會內容即時引起市民熱論,唔少人表示反對《禁蒙面法》,更發起10月4日「全民口罩日」抗議,其中有唔少老友記身體力行,感動唔少港人。

image source:「LIHKG」討論區用户「㷫過火屎」圖片

文/偉文

建制派議員喺尋日(10月3日)召開記者會,成立「禁蒙面法推動組」,建議政府透過一切可行嘅方法,其中包括啟動《緊急法》,以制訂《禁蒙面法》。又話可參考加拿大嘅《禁蒙面法》,禁止喺非法集會蒙面,違犯者最高可以處10年有期徒刑。

依個消息一出,隨即引起社會各界廣泛討論,「民間人權陣線」喺Facebook page到都出聲明:

好多市民都話《禁蒙面法》好明顯係想恐懼普通市民,令到佢哋唔敢出嚟發聲同企出嚟支持運動,於是組織今日(10月4日)要搞一個「全民口罩日」,向政府表達不滿。

但到咗今日,就有網民喺「LIHKG」討論區到出post,話無咩人戴口罩喎,仲揶揄今日「全民口罩日」係笑話。

但又有網民分享圖片,話有老友記都戴晒口罩出門口,其中一張仲震撼唔少香港人,話睇到眼濕濕。

▲網上廣傳依張「震撼人心」嘅相。

image source:網路流傳照片(取自「LIHKG」討論區用户「妙詩吟」)


見到老友記都身體力行表達訴求,好多網民話會即刻跟上。
香港市民唔勇武喇,以戴口罩咁「和理非」嘅行為表達訴求,唔知林鄭同一眾司長會唔會睇到呢?


延伸閱讀►►►


警察一句鬧晒3分1港人!屋邨仔女真係無地位?

片/澳洲記者狂串小粉紅爆紅!最新消息話俾政府告五條罪?

片/地表最強演說! 港外網民都we connect!


x

訂閱DailyView網路溫度計(香港版)電子報