網民狂串「飲水思源」陳樂基,話「細路都識嘅嘢你都唔識」

2019-10-07

2698Views

香港由1965年開始就引入東江水去滿足香港用水需求,港粵買賣東江水已經成半個世紀,唔少香港人都係「飲東江水大」。最近,香港樂團「殺手鐧」主唱陳樂基就話要「飲水思源」,去咗「東江源」到尋「從小喝長大的母親河」,但佢一個舉動就俾香港網民笑佢唔識嘢?

Image source:Facebook:Mandy Lo影片截圖

文/偉文
由於降雨量低同不穩,香港由1965年就開始引入東江水以滿足本地居民嘅需求。又喺2006年,港粵簽訂協議:香港每年都要買8.2億立方米嘅東江水,而且價錢係會隨「粵港兩地相關消費物價指數的變動」、「人民幣兌港幣匯率的變動」同埋「運作成本的變動」嚟調整。

水務署官網嘅資料可以睇到今年2019年香港係用咗約48億港幣買「東江水」,價錢一啲都唔平。唔怪得有啲議員叫香港人要「飲水思源」嗰時,市民反應會咁大啦,好多人話「思源」就諗到香港人一年「飲水」要幾十億港紙,唔思好過思。

不過都有唔少人對自己飲嘅水好感恩,仲親身走到去水源一探究竟。香港樂團「殺手鐧」嘅主唱陳樂基,就走咗去「東江源」到尋找自己「從小喝長大的母親河」,仲真係走咗去就咁飲咗幾啖水。


Image source:微博:殺手鐧_陳樂基圖片


網民見到就當堂嚇一跳,然後得啖笑,唔少人仲話陳樂基「做多咗」喇。更加有幽默嘅網民,惡搞陳樂基依段飲東江水嘅片,用以前《屈臣氏蒸餾水廣告》嚟笑:「你有無常識㗎😅,飲冇煲過既溪水💧?


幽默是個好東西!好多香港網民都話笑到肚痛,又話「陳樂基飲東江水」係最近數一數二好笑嘅消息。根據KEYPO大數據關鍵引擎》分析數據可以得知,依件事仲令到一早返咗中國國內發展嘅陳樂基,又再收獲到香港網民嘅關注:

Image source:KEYPO大數據關鍵引擎


唔少網民戲稱陳樂基可以「回家」喇!香港棟篤笑界好需要你啊!


延伸閱讀►►►


片/10月4日記招重點,林鄭月娥:引《緊急法》立《禁蒙面法》

片/CatGirl轟兩公婆食在香港抹黑?Bob叔忍唔住出聲!

片/澳洲記者狂串小粉紅爆紅!最新消息話俾政府告五條罪?


x

訂閱DailyView網路溫度計(香港版)電子報