ios更新後唔見台灣旗!香港果迷悲痛:「乜你都跪低」

自從蘋果進軍中國市場之後,佢就將把中國版iPhone打造成有「中國特色」嘅電話。所以中國版嘅app store一直同香港版同台灣版都會唔一樣setting。但今次終於有唔同!

image source: Pexel: Terje Sollie

文/牙菜

自從Steve Jobs逝世之後,蘋果啲負皮節節上升。先係話佢啲新機無新意,之後啲機又會出現好多唔同問題,連MacBook Pro嘅電池都有問題唔比上機。而今次令蘋果又炒多次車嘅,係最新嘅ios港澳更新版本了。


事關10月3號就有網民勁眼利,發現到佢地將ios版本更新咗去13.1.1嘅時候,香港同澳門版嘅emoji無咗中華民國國旗!

HKPF就報導得好詳細咁表明,原來唔知13.1.1嘅版本係咁,港澳版嘅13.1.2依然係無咗中華民國隻旗。而中國版嘅ios就不嬲都無中華民國旗嘅,令人懷疑係咪港澳版之後會跟咗中國版嘅setting,無咗中華民國隻旗。不過後來HKPF就實測咗,只要打「TAIWAN」就照樣會喺選字嗰度有返枝旗可以揀,只係Emoji Keyboard到無咗。


image source: HKPF


而網民都好多嬲到好激動,不斷以中華民國國旗洗版。而依家做緊蘋果CEO個位嘅Tim Cook,就更加係俾人不斷瘋狂鞭屍。亦有網民提供一啲小貼士比大家,點樣去更方便快捷咁去搵到中華民國旗。例如save喺常用鍵啦,利用快捷鍵嘅功能去更快搵到唔洗下下逐個揀。


image source: LIHKG 截圖


除咗瘋狂洗版之外,ios用家亦都表達出佢地好大程度嘅失望,例如有網民話下年要轉去用Samsung、同華為合體算啦。而ios用家亦都被一眾andriod用家串到上心口,係咁問啲果迷去咗邊,andriod機有中華民國旗而ios無。


image source: LIHKG 截圖


因為呢個ios嘅更新版本,令到一眾蘋果用家同果迷非常嬲。其實蘋果俾大眾鬧咗咁耐,又無咩新意。唔知繼續咁落去,蘋果喺呢個電子世界嘅一哥地位會唔會被動搖,要改朝換代呢?


延伸閱讀►►►


網民狂串「飲水思源」陳樂基,話「細路都識嘅嘢你都唔識」

每個Joker都係癲! 華堅馮力士暴減52磅兼練病態笑聲

十大最令人想DL交友Apps嘅時刻!你喺邊一刻都有過衝動?



x

訂閱DailyView網路溫度計(香港版)電子報