電影回歸電影?4套香港獨立電影依然參展金馬,香港人梗要撐!

疑似因為政治因素,中國電影局叫停參加金馬獎嘅中國電影同電影人,令到第56屆金馬影展一套中國電影都見唔到,就連香港各大電影公司同電影人都以諸多理由唔參加。不過都有4套獨立電影堅持參加,而且入埋圍。

Image Source:Facebook:金馬影展 TGHFF圖片

文/偉文

疑似因為上一屆金馬獎嘅頒獎典禮當中,中國同台灣兩地嘅電影人各有涉及地方主權問題嘅言論,中國電影局就向外公告要停止中國國內嘅電影同電影人參加金馬影展。

Image Source:微博:中國電影報頁面截圖


因為中國嘅國家級指令,今屆嘅金馬獎基本上係見唔到中國電影同電影人,香港亦都唔多,主流電影大公司基本上都冇報名、唔參加,唔少屢獲金馬獎嘅演員、導演、諸多電影人員都表示唔會出席。

好多人見到咁嘅情況,話本來喺華語影壇極具影響力嘅電影獎項搞到咁樣,真係好可惜,紛紛表示希望以後可以「電影回歸電影」。

雖然中國同香港影壇普遍缺席金馬,但依然有香港嘅獨立電影參展,其中成功入圍競逐獎項嘅有三套電影,分別係:《金都》、《叔、叔》、《紅棗薏米花生》同《老人與狗》,大家一齊嚟睇吓佢哋嘅相關資訊啦:


《金都》

《金都》係同《點五步》、《一念無明》、《淪落人》、《G殺》一個計劃出嚟,係第四屆「首部劇情電影計劃」「大專組」嘅得獎計劃。

《金都》會喺香港亞洲電影節閉幕當晚(11月17日)首映,見到《金都》喺金馬獎到有3項提名,相信係有一定實力,相信香港嘅電影迷可以期待吓!


《叔.叔》

而《叔.叔》則係涉及「性別」、「平權」嘅議題,情節講及香港兩個中年大叔嘅同志之情,當中飾演者袁富華同太保亦都雙雙入圍競爭金馬獎嘅「最佳男主角」。

袁富華喺上年亦都係以類似題材嘅《翠絲》,分別獲得金像獎同金馬獎嘅「最佳男配角」,唔知今年會唔會以《叔.叔》喺今年金馬獎再下一城呢?




《紅棗薏米花生》、《老人與狗》

今屆金馬獎《最佳劇情短片》有兩套香港影片入到最後階段,分別係《紅棗薏米花生》同《老人與狗》。

《紅棗薏米花生》係講及香港小人物嘅劇情短片,以女性視角講述三代女人嘅辛酸,呈現女性喺唔同年齡層面對嘅困難。




而《老人與狗》則係拍出一個香港獨居老人同一隻被棄養的老狗,喺面對衰老同死亡前嘅相遇,涉及對生命嘅再探討同思考。




有網民就話:最好就電影回歸電影,令到電影可以獨立於依家紛亂嘅嘅政治氛圍,唔好俾咁多政治因素影響到藝術嘅純粹。
但又有網民話,依家噈香港社會,乜仲可以咩都同政治切割咩?

 

唔理點都好,香港人,撐香港電影,希望香港電影可以喺金馬獎到取得佳績。


延伸閱讀►►►


每個Joker都係癲! 華堅馮力士暴減52磅兼練病態笑聲

網民狂串「飲水思源」陳樂基,話「細路都識嘅嘢你都唔識」

片/CatGirl轟兩公婆食在香港抹黑?Bob叔忍唔住出聲!


x

訂閱DailyView網路溫度計(香港版)電子報