諾貝爾和平獎港人大熱,網民戲言中國將無得食挪威三文魚

2019-10-08

1464Views

諾貝爾獎係世界關注嘅大事,各項目嘅獲獎者都極具代表性同認可性。而今年,備受關注嘅諾貝爾和平獎,有一個香港人成為大熱門。

Image Source:Facebook:羅冠聰 Nathan Law圖片

文/偉文

諾貝爾委員會喺近日逐漸頒發各諾貝爾獎項,而最受矚目嘅和平獎將會喺10月11日頒發,世界各界都好關注301組被提名入面,到底邊個會係最終得主。

各地網民討論最多嘅,係16歲少女、瑞典環保運動人士通貝里(Greta Thunberg),話佢為世界做嘅嘢超越世界上好多成年人,一句句「How dare you」真係問到唔少人內疚到不行。


而挪威奧斯陸國際和平研究所(PRIO)嘅所長烏達爾(Henrik Urdal)就認為,2019諾貝爾和平獎有3個最熱門人選:分別係利比亞Hajer Sharief、索馬里Ilwad Elman同埋香港嘅羅冠聰。

羅冠聰繼上年又一次被提名到諾貝爾和平獎,今年嘅呼聲又更高喇!唔知會唔會真係拎到呢?相信有唔少香港人都好支持,希望羅冠聰可以獲得依個世界級嘅肯定。



不過烏達爾又講到,如果將獎頒畀羅冠聰,很可能導致挪威周中國又產生新嘅外交危機,就好似2010年諾貝爾和平獎咁,令到中國當局認為咁樣係干涉國家內部政治。

有網民就戲言:如果今年係羅冠聰拎,中國可能有一排都冇挪威三文魚食喇!

給果係點?就等10月11日公佈啦!


延伸閱讀►►►


電影回歸電影?4套香港獨立電影依然參展金馬,香港人梗要撐!

網民狂串「飲水思源」陳樂基,話「細路都識嘅嘢你都唔識」

片/CatGirl轟兩公婆食在香港抹黑?Bob叔忍唔住出聲!

x

訂閱DailyView網路溫度計(香港版)電子報