日本當代藝術家奈良美智喺10月6日香港2019秋季其中一場拍賣會上，打破草間彌生紀錄，成為「日本最貴藝術家」，其中更有一個升值四千幾倍嘅作品。
奈良美智隨手一畫，100港幣升值四千幾倍！
Image Source:Facebook:YOSHITOMO NARA圖片
文／偉文
好多人會講日本當代藝術有「三巨頭」，分別係村上隆、草間彌生同埋奈良美智，好多收藏家、喜歡藝術嘅人都好想擁有佢哋嘅作品。
喺10月6日，喺香港2019秋季拍賣會上，奈良美智嘅作品兩度打破拍賣紀錄，其中畫作《背後藏刀》先以4000萬起拍，最終1.96億元（連佣金）成交，破咗草間草間彌生嘅紀錄。
《背後藏刀》童話畫風但內含憤世情緒，畫中係奈良美智創作品嘅著名代表物：一個高額大眼嘅小朋友，構刀無「刀」，但「刀」就好似藏喺小朋友背後咁。
另外，同日亦拍出一個特別嘅奈良美智作品，就係一張俾奈良美智塗畫過嘅滙豐100蚊紙幣，最終係45萬元（連佣金）成交，升價四千幾倍。
好多網民睇到相關消息，話睇極都唔明點解依張好似小朋友塗鴉嘅100蚊紙幣，竟然可以拍賣到45萬，紛紛就留言：「藝術依家嘢，我哋真係識條鐵咩」。不過有網民有提到話奈良美智一直都好關心香港，由「雨傘」到「反送中」都有發聲、轉載消息，香港人好應該要多謝佢！
多謝你啊！奈良美智。
延伸閱讀►►►