唔少香港警察喺微博到開咗AC，廣受中國網民歡迎同愛戴，令到一眾警員喺微博到獲得相當多嘅溫暖，仲keep住長期「更博」啊。但與此同時亦有唔少香港網民話，一啲警員喺微博嘅行為好「小學雞」，仲有人話佢哋「幼稚」得好合乎佢哋嘅教育、文化水平？
警察微博「求偶」？網民對警員微博嘅3大討論！
Image Source:微博頁面截圖（取自「LIHKG」討論區用户「FYYY」）
文／偉文
香港警民關係因為「反送中」運動而變得非常緊張，普遍香港市民不滿警員於運動時嘅執法行為。
喺咁嘅情況下，有唔少警員就開始用警察身份喺微博開AC，仲定時更新有關佢哋警員身分嘅日常生活，仲有唔少人因而成為「網紅」。有香港網民就專登上去微博到睇，發現到幾個比較多人關注嘅警員微博，即時分享上網，引起唔少討論。網民主要討論以下3點：
1. 好鐘意同狗合照
Image Source:微博:就叫我口香糖頁面截圖
Image Source:微博:KevinCKP 頁面截圖
網民話：
「下次見到防暴可以同佢講：你好嗎！主人在哪裡呀」
「睇嚟香港警察都幾鍾意狗喎」
「合照好和諧啊」
2. 鍾意賣肉似「求偶」
唔少網民就話有啲警員post嘅嘢真係唔多得，直情係擺到明「求偶」：
▲▼Image Source:微博:好得意得意好頁面截圖
▲▼Image Source:微博頁面截圖（取自「LIHKG」討論區用户「FYYY」）
▲Image Source:微博頁面截圖（取自「LIHKG」討論區用户「FYYY」）
網民話：
「著返件衫啦 做咩啫」
「連登gay佬要入面出征喇」
「男人老狗影d咁嘅相唔拍gay porn哂x哂」
「想呃人蝦條食？」
3. AC名好「小學雞」
好多香港網民仲出盡力笑香港警察嘅微博名，話似足以前小學打Online Game嗰時改嘅名，仲講如果加埋「乂」同「卍」就完美喇。
網民話：
「咩口香糖啊？香口膠就香口膠啦」
「好得意得意好最好笑，得意？睇過，邊到得意啊？」
「睇到有個叫咩守護者_韋駄，中二到XX」
其實都有網民真心向香港警察建議：香港網民真係幾風趣，其實警察們都可以返嚟感受吓！不過如果中國暖啲就繼續留喺嗰邊啦！
延伸閱讀►►►