育兒新典範?新加坡藝術家爸爸獨帶囡囡去見識、學習世界!

2019-10-15

1382Views

一個居住喺北京嘅新加坡藝術家爸爸,成日喺Facebook到share自己帶囡囡出去旅遊嘅相,仲會寫幾句分享自己育兒嘅諗法同經驗,畀唔少新晉父母視為教育小朋友嘅參考典範,話睇佢出帶小朋友出去嘅Post,又療癒,又學到嘢。

Image Source:Facebook:Stefen Chow圖片

文/偉文

點樣教好小朋友依個問題一直都困擾香港一眾爸爸媽媽,特別係喺生第一個小朋友嘅時候,好多人都會緊張到買好多育兒相關嘅書藉,報好多教授點樣教導子女嘅班,盡能力去學好點樣做一個稱職嘅父母。

其實無他嘅,第一次做爸爸媽媽,意識到將會有生命係會受自己教導、影響,好驚做錯某啲嘢會影響小朋友嘅將來。有新晉爸爸媽媽就咁形容自己心情:好似係自己要喺一張白紙到畫畫咁,唔知自己畫功得唔得,好驚自己會畫得唔好會毀咗成張紙,所以只好喺畫之前瘋狂學畫畫,務求令自己可以一畫就出佳作。

其實點教小朋友真係一件唔易嘅事,不過有人就可以做到舉重若輕,仲畀唔少同路人視為典範。居住喺北京嘅新加坡藝術家爸爸Stefen Chow,成日會用鏡頭、影像去分享自己同小朋友嘅相處,係唔少新晉父母同廣大網民嘅追蹤、討論對象,其中記錄佢獨帶囡囡去旅行嘅系列最廣受喜愛。

Stefen Chow第一次帶獨自帶囡囡去台灣旅行嗰時,囡囡只係兩歲幾人仔,但Stefen就已經用大人方式同囡囡相處,畀佢參與旅行入面嘅諸多決定。

▲Stefen Chow同小Chow去台灣旅行。


點解會帶小朋友出去旅行?Stefen係咁講嘅:

I realized that children grow up very fast, and they really develop in stages.

It occurred to me that we could hold a simple conversation and she could comprehend the things I explained to her. That's when I realized she had a very keen awareness of her surroundings, so I felt that it was a good time to bring her on a trip.

小朋友成長真係好快,Stefen見到囡囡可以進行簡單嘅交流,又可以理解大人對佢解釋嘅嘢,所以意識到囡囡對周圍環境係非常敏銳,於是就開始帶佢去旅行喇。

其實帶囡囡去旅行唔止係要以權威嘅父親角色去「教導」小朋友,Stefen話係應該「Learning about life through a child's eyes」,除咗係畀囡囡見識世界之外,亦係令自己以小孩眼睛重新、再次學習世界,父女兩個人一齊成長。

其實有更多喜愛佢哋嘅人就話,睇到相入面小Chow接受世界嗰時充滿童真可愛,係非常療癒嘅畫面。唔好講咁多,一齊嚟睇吓小Chow可愛嘅旅行記錄啦!

▲小Chow同日本新朋友合照。

▲日本義工同小Chow交流。

▲網民話小Chow食嘢嗰時可愛值爆燈。

▲小Chow喺韓國之旅時因為害怕成長大喊。

▲小Chow喺便利店負責畀錢,Stefen趁機會教導金錢價值概念。


見到Stefen同小Chow去旅行可以令到小朋友學到嘢之外,仲可以加深父女感情,唔少爸爸都話要仿效吓!不過亦都有人話好佩服Stefen,因為自問一個人係搞唔掂個女。

其實喺Stefen同小Chow單獨周圍去嘅同時,佢哋屋企早就添多咗個仔仔,小Chow係要加「s」㗎喇!不過Stefen就成日淨係帶個囡囡去旅行,搞到佢小Chows成日都要面對姐弟分離嘅場面:

其實唔想姐弟分離,老婆又咁啱唔得閒一齊去嘅話,咁就難為Stefen辛苦啲,一個人帶兩個小朋友出去啦!

不過睇嚟Stefen都唔係好搞得掂兩個,所以嗰次淨係帶咗細佬出去。

▲小Chow(細佬)同媽媽家姐講Bye Bye。


眼睇Stefen同小Chows咁開心,小Chows又咁精靈可愛,大家係咪好羨慕呢?其實教小朋友係大責任,係會令人緊張、擔心,不過小朋友同時會帶好多歡樂同希望畀一個家庭,唔知大家睇完會唔會想計劃生返個呢?


延伸閱讀►►►


警察微博「求偶」?網民對警員微博嘅3大討論!

奈良美智隨手一畫,100港幣升值四千幾倍!

電影回歸電影?4套香港獨立電影依然參展金馬,香港人梗要撐!

x

訂閱DailyView網路溫度計(香港版)電子報