《漫漫長夜》演唱會因香港局勢取消,陳綺貞:很希望能在你身邊

台灣女歌手陳綺貞原定於10月26、27日喺紅磡體育館舉行嘅「漫漫長夜Cheer20」演唱會,因為香港現今社會環境不穩而取消。喺Fans失望之際,陳綺貞於Facebook出Post話:「很希望能在你身邊」。

image source:Facebook: 特高娛樂制作有限公司圖片

文/偉文

台灣女歌手陳綺貞一直都被譽為「文青女神」,佢唱歌時仙氣煥發嘅形象,加上特別空靈、溫柔嘅音樂作品,令聽佢嘅音樂成為唔少人傷心、失落時嘅「療癒聖物」。

▲陳綺貞作品:《殘缺的彩虹》。網民話依首歌表現出「傷心都可以溫柔」。


好多香港人都好鍾意陳綺貞,但畢竟陳綺貞係台灣人,兩地始終有段距離,香港Fans係比較少有機會見到、接觸到偶像。對上一次陳綺貞喺香港開演唱會已經係5年前嘅事,即係2014年《時間的歌》巡迴演唱會香港站。

香港Fans期待咗5年咁耐,本來今年可以等到女神再次親臨香港,喺10月26、27日,一齊參與陳綺貞為出道20年舉行嘅《漫漫長夜》巡迴演唱會。但好可惜因為香港依家嘅局勢不穩,主辦方考慮到諸多唔明朗嘅因素,決定取消演唱會。

image source:Facebook: 特高娛樂制作有限公司圖片


消息一出,香港嘅Fans梗係好失望、好唔開心啦,期待咗5年嘅見面機會咁就取消咗,有人仲話本身係打算入場聽陳綺貞嘅歌聲去安撫返依四個月受嘅心靈傷害,依家真係好失落。不過陳綺貞即刻出Post安慰,為Fans回吓血。

有Fans話陳綺貞一句:「很希望能在你身邊」好窩心,自己會聽女神話,要好好保重,期待下次見;但又有Fan話自己接受唔到,因為錯過咗同陳綺貞一起慶祝「屬於我們的20週年」,仲話以陳綺貞習慣,下次分分鐘係5年後。

見唔到陳綺貞,咁唯有上網睇返佢嘅表演:

有人在嗎 我一個人唱著

有人在嗎 我自問也自答

有人在嗎 明明是我們的家

為何聽不見你的回答


延伸閱讀►►►


育兒新典範?新加坡藝術家爸爸獨帶囡囡去見識、學習世界!

警察微博「求偶」?網民對警員微博嘅3大討論!

奈良美智隨手一畫,100港幣升值四千幾倍!


x

訂閱DailyView網路溫度計(香港版)電子報