LOL都出Moblie版,舊玩家竟然大嗌「不了」?

2019-10-17

1442Views

俗稱LoL嘅《英雄聯盟》(League of Legends)係紅遍全球嘅電子競技遊戲,玩定唔單止係打開機嘅後生男性族群,而係男女老幼都有。今年係LoL營運十週年,開發方Riot Game就準備咗好多驚喜畀一眾玩家,其中有一項就係推出LoL嘅Moblie版!隨即引起網民熱議,不過就有一班舊玩家表示「不了」。

image source:Facebook:英雄聯盟:激鬥峽谷圖片

文/偉文

《英雄聯盟》(League of Legends,俗稱LoL)係世界當紅嘅電子競技遊戲,一直都廣受遊戲玩家愛戴,自2009年推出至今都依然有好多人玩,好多人討論。以《KEYPO大數據關鍵引擎》嘅分析顯示,香港網民喺過去1年就LoL嘅討論度相當高:

image source:KEYPO大數據關鍵引擎(分析期間:2018/10/18 - 2019/10/13)


睇返個LoL嘅「網路熱度」趨勢表,討論LoL嘅Posts同Comments喺一年間係有約24萬則,而幾個數據高峰就係有大型比賽嘅日子,好多網民都熱烈討論。

LoL依舊好HIT,但好多舊玩家早就冇再玩。畢竟LoL營運咗十年,好多舊玩家都大個晒,冇咩時間成日開部電腦打機喇,有時只係可以玩手機Game過吓癮,LoL只可以塵封喺過去嘅回憶到。

不過舊玩家嘅福音到喇!LoL開發方Riot Game喺十週年公佈咗一個好消息,就係推出LoL嘅Moblie版啊!


有網民就擔心,LoL移去手提電話到會唔會「低質」咗㗎?如果變到唔似LoL,咁其實可以玩坊間其他相似嘅Game啦。但睇返官方嘅宣傳畫面,好似真係做得幾好喎!


睇到遊戲畫面咁正,但仲係好多玩家話「不了」,點解呢?原來係因為隻Game係Riot同騰訊合作出嘅,而騰訊出嘅Game成日都要「課金」先可以玩得勁,所以都係「不了」。
不過中國方就拍咗條片大玩「回憶殺」,睇嚟隻Game嘅target就係一眾舊玩家。

 

曾經好鍾意玩LoL嘅你,真係「不了」咩?不過唔使決定住,因為隻Game要2020年先推出,可以慢慢諗吓。


延伸閱讀►►►


金正恩身騎白馬 網民:全世界都關心隻馬多過佢既行動

《漫漫長夜》演唱會因香港局勢取消,陳綺貞:很希望能在你身邊

片/香港新晉電競女子戰隊!網民笑佢哋一個正常人都無?

x

訂閱DailyView網路溫度計(香港版)電子報