兄弟情不再? 《再見UFO》可能係Shine最後螢幕合體

2019-10-21

1946Views

近期Shine成為好多網民討論嘅話題,皆因天佑就喺Facebook到留言話:「No more shine」。而Shine同阿sa喺2018年開拍嘅《再見UFO》,就將會喺11月6日正式上映。喺呢個時候,唔知呢套會唔會係最後一套戲見到Shine嘅完全體呢…

image source: Shine官方Facebook page

文/牙菜

成立咗17年嘅Shine喺今年再度成為網民熱議。KEYPO大數據關鍵引擎嘅分析顯示,香港網民喺過去1年就Shine嘅討論度有兩高峰位。分別係6月,天佑表明自己個政治立埸。同喺9月初,天佑喺自己Facebook Page嘅留言到覆咗fans一句:「no more shine」。疑似同又南因政見不合而令到Shine面臨拆伙。


image source:KEYPO大數據關鍵引擎(分析期間:2018/10/22 - 2019/10/17)


image source: Facebook: 徐天佑 Chui Tien You 頁面截圖 (取自LIHKG用戶「番工好眼訓」)


事隔一個月,佢地同阿sa2018年開拍嘅電影《再見UFO》就喺Page到公佈,套戲將會作為香港亞洲電影節其中之一,喺10月29日首播,其後就會喺11月6號正式上畫。呢個時間上映不禁令人慨嘆,今次呢部《再見UFO》會唔會係最後一次見到呢個組合喺螢幕上合體。


《再見UFO》係阿sa同Shine自《這個夏天有異性》後,事隔17年再次合作嘅本土電影。套戲嘅內容就係基於大家成日都聽到嘅都市傳說之一——華富邨UFO事件。阿sa、天佑同又南分別係三個喺華富邨一齊玩到大,兼一齊喺天台睇到UFO嘅屋邨仔。之後經歷咗唔同嘅野、大個咗嘅佢地又返到去舊時嘅天台重聚。電影藉住UFO,香港8、90年代嘅情懷feel同感覺帶返晒出嚟!


Shine自2002年成立之後,天佑同又南兩個就拍住上。兩個人不論係樂壇定影壇都有唔少廣為人知嘅作品,好似《燕尾蝶》、《曼谷瑪利亞》等等。佢地之前亦曾經「拆過夥」,喺成立15週年嗰陣,佢地都有講返當年的感覺。

「覺得做落去都冇新意、冇意思,亦冇諗過分開會唔會影響生計,總之唔想再做。嗰幾年我哋分開發展,但經常喺片場碰面,最諷刺係有次我哋喺內地拍同一部戲,拍咗好耐有演員忽然話:『原來你哋係組合嚟㗎?』」

對於今次天佑Facebook嘅事件,雖然Shine經理人嘅回應就話兩個無拆夥,只係暫時各自發展先,之後有機會都會再推演唱會。但呢次連「No more shine」都講得出口,唔知係咪真係再拆夥,令《再見UFO》成為Shine嘅絕響?



延伸閱讀►►►

 

連登神獸咁多個名邊個啱?壁虎、四腳蛇同蜥蜴,網民辯論冷知識

台灣有咩玩?十大台灣人正評最多嘅休閒農場!清境竟然唔係第一!

LOL都出Moblie版,舊玩家竟然大嗌「不了」?


x

訂閱DailyView網路溫度計(香港版)電子報