父母嘅基因往往決定咗子女嘅身高同樣貌，而佢哋就係贏在起跑線嘅一群人。今日DailyView網路溫度計根據香港人娛樂圈嘅星二代，透過網路大數據做咗個調查，一齊嚟睇吓啦～
DV小教室：網路大數據觀測咗近萬個網站頻道(而且不斷增加ing)，包括新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章訊息，都會save喺「網路大資料庫」入面，而呢d資料嘅數量同埋內容其實係可以被統計分析嘅！
梁穎晨（Chloe）同梁靜禧（Nikkie）係影帝梁家輝與太太江嘉年嘅一對孖女，佢哋本身都感情好好，不時都會見到佢哋嘅合照，你又分唔分得出邊個打邊個呢？Chole 同 Nikkie 因為長年喺外國讀書嘅關係，受到當地人嘅薰陶，穿著打扮以歐美風為主，都比較性感。話佢哋係香港最索嘅姐妹花一d都不為過啊！雖然佢哋都已經名花有主喇，但佢哋成日喺IG po放閃嘅相都令人感到好幸福啊！
唔好以為佢係《致我們單純的小美好》嘅女主角，佢哋只係撞名，其實佢係邱淑貞個女。邱淑貞已經出晒名係女神，佢個女當然都唔輸得喇，簡直同啊媽一個餅印咁啊，果然係有品質保證。同媽媽拍埋一齊睇落根本就同姐妹一樣！16歲嘅佢已經成為一個亭亭玉立嘅女孩，散發出Model嘅星味啊！
苗彤其實就係三哥苗僑偉個女。苗彤由細到大喺學校都係風雲人物嚟，大學喺加拿大讀，飲過洋墨水果然唔同d，佢IG嘅相總令人有一種誤以為佢係外國人嘅錯覺。前幾年，其實都有人想力邀佢加入娛樂圈，但被三哥婉拒咗。值得一提嘅就係，其實佢自己就係喺加拿大做攝影師，難怪d相咁有質感啦。
18歲嘅林愷鈴就係龔慈恩同林煒嘅掌上明珠，網上經常稱佢為「最索星二代」同埋「港版允兒」。2016年2月以唱作歌手、演員以及兼職模特兒出道，跟隨父母嘅腳步加入娛樂圈。前年（2017）仲加入咗杜琪峯嘅公司同劉德華拍電影㖭！喺事業之餘，佢仲兼顧到學業，考到第一志願HKU嘅建築系，真係唔簡單啊！
氣質型星二代區令山嘅媽咪就係Mo姐，毛舜筠。毛舜筠嘅IG成日都會見到佢同兩個女嘅合照，分享好多佢哋嘅相處點滴，而令山一直都視媽咪為Best Friend，氹得媽咪好開心㖭啊～區令山同妹妹區亦山兩個嘅衣著打扮都以簡約為主，反而顯出一種清新脫俗嘅感覺。
岑寧兒係岑建勳同劉天蘭個女。2014年，林憶蓮介紹佢嘅時候稱佢為「近年少有的好聲音」。岑寧兒喺2011年發行個人EP《4-6PM》，喺完全冇宣傳底下，港臺首批貨同喺發售頭兩日內就銷售一空。近年，佢最為人熟悉嘅一定係《追光者》呢首歌，幾乎街頭播到街尾～
我諗唔洗講大家都一定知佢就係王菲個女竇靖童喇！佢而家係一名獨立創作歌手。仲連續兩年被提名《最佳電影原創歌曲獎》。佢非常愛錫妹妹，為咗鼓勵臉上有缺憾而感到自卑嘅小朋友要勇氣面對，佢臉上紋咗一條直線，足以證明佢同妹妹嘅感情有幾好啊！
天后王菲同前夫李亞鵬之女李嫣，身材同品味都有遺傳媽媽嘅基因上年（2018）已經係第二次登上Bonpoint巴黎時裝秀，簡直有明星嘅風範。上年（2018）佢登上大陸雜誌封面，小小年紀嘅佢想將以前爸爸李亞鵬教佢嘅都分享俾大家：「遇到什麼事都不要抱怨，要學會堅持、有熱情，要微笑。」。
堪稱「最長腿星二代」嘅任晴佳就係任達華同琦琦個女。年紀小小先得13歲嘅佢，身高已經有170cm，唔難睇出佢遺傳咗媽媽嘅Model嘅長腿，而家已經擁有44寸長腿，好令人羨慕啊！當然，好多品牌同埋模特兒公司都有向佢招手，不過任達華同琦琦護女心切，目前都係希望個女以學業為重！
分析說明：
本研究資料分析時間範圍為2018年1月12日至2019年1月11日，共一年。
系統觀測上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『香港人娛樂圈星二代 』相關文本進行分析，並根據網友就該議題之討論，作為本分析依據。
DailyView曰：
睇完我都想重新投胎喇！
