片/前罪犯同香港警察合作?劉馬車出席警察同盟會!

劉馬車出席香港「警察同盟會」晚宴,發表撐警言論,但因為佢身分特殊,引起咗大批網民討論,成為熱門話題。

image source:香港網路大典

文/積遜猿

香港「警察同盟會」喺6月13日舉辦晚宴,咁多退休嘅警察朋友聚首同堂,緊係要支持返警察最近爭議好多,俾網民狂插嘅執法行動喇!咁其實本身都好正常,直頭係合情、合理、合法;和平、理性、非暴力嘅典範。


但網民誓估唔到,「警察同盟會」竟然請埋網路紅人Youtuber劉馬車出席!


點解大家會咁驚訝?事因劉馬車喺網路上相當知名,行事風格出位,好似佢曾自稱「法輪教信徒」,高呼「法輪教萬歲」,辱罵中國共產黨同前中共總書記胡錦濤。更重要嘅係,劉馬車屢涉刑事恐嚇,喺深圳涉猥褻兒童罪成入獄,今年3月仲喺香港涉嫌非禮13歲女童被捕……


唔怪得網民見到會話,前罪犯同警察合作,真係「公關災難」!



片段可見,警察話完香港示威者之後,隨即介紹劉馬車登場,講佢最近俾「暴徒」毒打。劉馬車攞咗枝咪就開始批評示威者,「呢班廢青搞搞震」,「香港好地地,係都要搞亂香港先得」,千錯萬錯都係示威者嘅錯。


劉馬車講自己俾人襲擊,講到眉飛色舞,在座嘅各位警察朋友都拍哂手掌,相當認同劉馬車嘅言論。Well,有網民話佢哋俾「更生人士」一個機會,都係好事嚟嘅。


延伸閱讀

法國記者捍衛香港:HONG KONG NOT CHINA!

警方使用武力嘅指引無公開,警員權力難監察

唔勇武嘅鄺俊宇點樣成為連登仔口中嘅「英雄」?

x

訂閱DailyView網路溫度計(香港版)電子報