香港「反送中」示威行動不斷，尋日（8月5日）就有由民間發起「三罷」同埋「七區集會」嘅行動，最後發生多宗涉及警員、疑似黑社會勢力同埋示威者嘅暴力事件。喺眾多事件當中，就有網民截取咗一段示威者打人毀車嘅片段，就用嚟指責示威人士嘅暴力行為，但後來就有連登放出立場新聞嘅直播片段，原來係因為有人想撞人先？
片／網民指責示威者打人毀車，但原來事實係司機想撞人在先？
image source：Facebook：葛珮帆 Elizabeth Qua影片截圖
文／偉文
近日喺某D群體入面，流傳一段影住香港示威者打人、毀壞汽車嘅片段，引起一D網民指責示威者暴力。其中有人話示威者係「失控」、「失去人性」、「冇血性」、「暴徒」……
如果只喺睇依段影片，可以見到一大班示威者好激動咁圍住白色汽車同埋個司機，其間不斷有人指罵司機、破壞汽車，亦都有人勸阻、拍攝，場面相當混亂。
但又有網民出嚟話依條片係「cut頭cut尾」，遮蓋咗事實真相，隨即放上「立場新聞」嘅直播影片，話影到係白色汽車想撞人在先。
▲網民指出以上影片約1:08:00可以睇到打人毀車事件全貌。
由「立場新聞」嘅直播可以睇到，係白色汽車突然衝向喺嗰到嘅示威者，連記者都嚇到「嘩嘩」聲，同時不斷聽到有人大叫「小心」。其後示威者就即刻圍住架車，跟住先發生俾人「cut頭cut尾」嗰條片影住嘅事。
有網民就話咁樣接收資訊好危險，畫面有嘅嘢唔係代表全部真實，唔係話要支持暴力行為，但單純咁無理指責係好無知同低智嘅行為。
▲網民引用以上圖片，說明媒體畫面未必係事件全貌。
image source：網路流傳圖片
大家記得資訊要睇多D，再思考、批判事情嘅是非對錯喇！「批判思考」，通識都有教啦。
延伸閱讀►►►