香港自6月「反送中」逃犯修訂條例引起過百萬人嘅社會運動，至今一直都備受各界關注，連《時代》雜誌、《紐約時報》都多次報道香港社運。自80年代，香港同日本嘅文化互相影響，香港人成日睇日本劇集、卡通，日本人鍾意香港明星、電影，相當親近。香港人視日本為旅遊勝地，年年都勁多人去日本玩，每次日本發生咩天災人禍都會送上祝福。原來日本到今日都仲好關心香港，仲有好多美女力撐香港社會運動！
日本大阪美女「反送中」爆紅！原來除咗模特兒平野玲子仲有一個？
Image source:IG／marinohira
文／積遜猿
Image source:IG／suzutaro25
日本妹向來都係香港男性嘅夢想伴侶，去到今次香港「反送中」社運，更加喺香港男性心目中力證咗呢個講法，因為真係好多日本靚女力撐香港人。最出名嘅，緊係要數日本和服模特兒平野玲子喇！平野玲子早喺6月15號已經喺日本參加「反送中」示威，持續關注香港情況，不斷咁向日本解釋香港嘅社運，仲話自己會同香港人奮戰到最後一刻（I love hk forever.together to the end），令到香港網民勁感動，齊齊Follow佢IG。
Image source:IG／marinohira
8月23號由在日居住嘅香港人喺大阪發起「反送中」聲援行動，有中國人高舉中國國旗，大唱《義勇軍進行曲》，令好多日本人都反感佢哋嘅言行。其中，有位日本大阪美女都有出席，話佢曾經住過香港，留學香港一段時間，而家要出嚟支持香港。飲水思源，相當抵讚。
Image source:IG／marinohira
由於佢相當靚女，又公開咗IG，即時就俾香港網民搵到佢，叫大家要集體Follow佢IG，畀佢知道香港人有幾愛佢咁話。睇返佢嘅IG，早喺兩星期前已經有唔少Post支持香港，寫明「警察還眼」。講到咁直接，可能連香港人都唔會咁留意，真係跟得好貼。
Image source:Twitter／marinri852
呢位大阪靚女仲特登新開埋Twitter，第一個Post已經寫明：「我愛香港，多謝你地」。哇，香港網民睇到佢咁人靚心善，緊係即時流哂口水，成為咗香港新嘅日本女神！我哋一齊睇睇各位香港網民點樣力讚佢喇：
「佢之前間唔中黎香港+真心鐘意香港的。另外佢識廣東話。你地可以留言廣東話。」
「人地肯出黎幫我地聲援，我地就去多謝下人地，引起多d日本人關注，順便宣揚下港日友好。」
「LE D 高汁日本靚女先正，大家快D 開TWITTER 啦，FOLLOW 人地又好，RETWEET 人地都好記得HASHTAG番。」
延伸閱讀►►►