片/屯門娜娜重出江湖,網民熱議IG性感照

2020-01-16

2470Views

香港近呢大半年,都無咩娛樂氣氛,但只要香港人一講起屯門,無論立場如何,都會識得會心微笑。點解?皆因屯門最出名嘅公園,入面有位叫娜娜嘅靚女,深受中年男性歡迎。娜娜同埋佢嘅朋友,喺屯門公園化為歌星,雖然無萬千觀眾,但Fans熱情如火,甘願為佢哋付出所有。近日,屯門公園娜娜重出江湖,仲有網民發現埋娜娜新開嘅IG,佢嘅性感照片,再次引起網民熱議。

Image source:IG/nananananana0125

文/積遜猿

中國大媽已經係世界知名嘅中國文化特色,佢哋熱情,佢哋奔放,最鍾意唱歌跳舞。只要有華人聚集嘅地方,都會見到佢哋飄逸嘅裙帶,都會聽到佢哋悅取嘅歌喉。咁香港呢,早就成為咗大媽嘅表演舞台,以前就喺旺角,旺角禁咗之後就喺公園。正如每一個表演者都有最出名嘅舞台,屯門公園就係佢哋嘅紅館。貼身性感辣舞,港伯狂派利是,亦都引嚟本地居民嘅不滿,示威抗議,令屯門公園回復平靜。






點解網民講起屯門公園都咁開心?皆因有位娜娜同「Happy伯」,一句「我唔係咸濕,我只係想生活Happy」,加上佢同娜娜貼身跳舞,已經成為香港網路文化成日提起嘅事件。網民咁關心娜娜,見佢最近喺屯門公園重出江湖,又有新IG放性感照,即刻推上熱門!

Image source:IG/nananananana0125

Image source:IG/nananananana0125

Image source:IG/nananananana0125

娜娜IG雖然開咗無耐,但已經放咗唔少相,似乎大有要做新一代中年男性女神嘅野心!睇返佢堆相,性感嘅,可愛嘅,活潑嘅,生活嘅,通通都有,顯出咗佢作為屯門公園巨星嘅魅力。娜娜IG自介寫住:「希望每個人都能開心快樂每一天!」相信各位網民都睇得好開心。

我哋一齊睇睇網民點樣評價喇:

「身材好好,好想同你貼身跳舞大戰呀!」
「黑絲,長腿,等我分享比班好兄弟先。」
「Follower係咁升,真係要成為新一代香港KOL喇!」


延伸閱讀►►►

回顧2019/香港十大靚女YouTuber,第三名紅爆全港?

屯門Happy伯年派三十萬,網民竟讚心水清?

政治放兩旁,黃藍為民生:光復屯門公園有咩咁大魔力?

x

訂閱DailyView網路溫度計(香港版)電子報