台茶控必睇！
香港一直以來都係只有貢茶、Coco同埋Comebuy呢d老店。黑糖珍珠鮮奶今年正係當紅，亦連帶好多台式連鎖飲品店嚟香港分一杯羹，今日DailyView網路溫度計透過網路大數據調查咗過去一年網友討論度最高嘅台式連鎖飲品店。
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
10. 迷客夏
來自台南的「迷客夏」被台灣大學生票選為No.1的台茶店，以伯爵茶拿鐵盛名，無色素白珍珠亦人氣；同屬招牌貨的大甲芋頭鮮奶，一樣唔睇得少，芋頭選料上乘，個個水頭充足，壓出來後倍加粉軟綿綿，加上勻白純淨的鮮奶，只喝一口便覺齒頰留香！
9.丸作食茶
台灣過江龍丸作台茶店，開店至今每日都人頭湧湧。出品特色在於五顏六色的珍珠，賣相令人愉快，共五款口味︰白玉、竹炭、焦糖、仙人掌和黑芝麻。其中以黑芝麻最受追捧，味道香濃之餘，粒粒芝麻碎咬落口感十足。珍珠每日新鮮製作，由人手搓粉糰，再經細心挑選，品質監控嚴謹，每顆珍珠都又軟又Q。今日你飲左未……
8. 春水堂
春水堂，全名春水堂人文茶館，係臺中的連鎖茶餐廳。招牌珍珠奶茶用天然蔗糖調味，比坊間的珍珠奶茶更清甜，珍珠奶茶上層更有一層綿密泡沫。食物品質控制，只使用3小時內熬煮的新鮮珍珠，以確保出品質素。唔怪得全球年賣260萬杯珍珠奶茶啦！
7. 珍煮丹
珍煮丹用普通話讀出，有著逗趣且令人印象深刻的諧音名稱「曾祖母」。珍煮丹成立咗9年，於台北士林觀光夜市冒起。爆紅在於以自家製的黑糖煮出的珍珠飲品，其中最出名係黑糖珍珠鮮奶。優點係排隊比老虎堂要快，唔使等咁耐，符合香港人的生活節奏。
6. 鹿角巷
鹿角巷是台茶嘅後起之秀，2013年成立於臺灣桃園。五年間竄紅，香港店排隊熱潮，更是盛況空前，早上還未開始營業就已經大排長龍。招牌黑糖鹿丸鮮奶是打卡人數最多嘅產品，可以話係鎮店之寶了，材料組成好簡單，滋味卻層出不窮。
5.貢茶
台茶之中，貢茶對香港人來講都算係歷史悠久。特色係選取上乘茶葉，飲落有回甘嘅感覺。貢茶味道近似港式奶茶，分別係貢茶奶蓋多、濃稠有味，茶底濃。喺香港貢茶口味已發展到10多種，如果你開始學飲茶，不妨由貢茶開始飲起。
4. 一芳
一芳水果茶係台灣嘅水果茶，成份離唔開黑糖、珍珠同鮮奶。話明係水果茶，生果當然係台灣新鮮運到，以保證食物質素。而小小的珍珠煙煙韌韌，如果你係水果茶控，就一定要試下呢種香濃可口，滿滿古早味嘅水果茶。網友評論︰清新淡雅，味道清新，飲落感覺舒服。
3. 幸福堂
香港人近年熱捧的黑糖珍珠鮮奶，幸福堂食正條水，如今已係網絡排名三哥。主打手搖調撞鮮奶，方法係入杯時將炒到濃稠的黑糖，注入杯內嘅珍珠混和，再沿住杯轉一圈。稍呷一口即感幸福美滿。 據聞出品無添加色素，夠哂香港人對健康的要求。
2. 老虎堂
老虎堂，人氣急升，係香港台茶的二哥。成功突圍爆紅，皆因黑糖與鮮奶融合做成的老虎斑紋，賣相極之華麗討好，一登陸香港即刻喺社交媒體洗版。舖頭新張開幕只見龍頭不見龍尾，買一杯平均要花上兩個鐘才能購得呷上一口心頭好。該店嘅獨門秘方係「虎式黑糖」，口感分明，香氣十足。
1. 天仁茗茶
喺香港，天仁茗茶銷情深不見底，皆因有年青人捧場。據行內統計，天仁茗茶喺香港每月平均賣出至少60萬至70萬杯茶茶飲，年增長率20-30%。天仁茗茶咁成功，因為全係即叫即整，例如較受上班族歡迎嘅水果茶，係用每日新鮮搾出嘅果汁製成，廣受OL等女生歡迎。
分析說明：
本研究資料分析時間範圍為2017年12月24日至2018年12月25日，約一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『 全港十大過江龍人氣茶飲』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :