財政預算案出爐 你係受惠定受害先？
一年一度嘅香港財政預算案已係2024年2月28號公佈，外界紛紛提早預測各項派糖措施，市民都好關心會唔會直接如往年一樣派消費券或者現金派錢。預算案發布這一個多月，引起大量關注同討論。今日網路溫度計用網路大數據話你知，香港人最關心十大熱門財政預算案措施係邊十個啦！
image source: KEYPO.ai
DV小教室：《網路溫度計DailyView》透過《KEYPO大數據關鍵引擎》觀測、爬梳港澳地區2萬個公開網站頻道，包括新聞媒體、各大Social Media、Forum以及Blog，從中取得資料樣本數，並以AI語意程式作數據分析。「網路熱度」為主題項目相關的網路Posts和Comments ，數值愈大代表項目的討論度愈高。
NO.10 3%酒店房租稅
唔講唔知，曾幾何時香港早係 1966 年至 2008年就徵收過酒店稅，而今次將於2025年開始復收 3% 酒店房租稅，對於政府嚟講，預計政府收入每年可增加約11億元。對外地遊客嚟講，3% 酒店稅負擔未算太重，但對偶爾想Staycation 放鬆嘅香港人嚟講，海外旅行可能比較划算，畢竟，香港酒店價格已比鄰近地區貴⋯⋯
網民：「到到都有酒店稅，呢個措施都叫合理啦！」
NO.9 住宅物業累進差餉
政府庫房持續緊張，持著「能者多付」嘅想法向年租值超過55萬元嘅高檔住宅物業嘅業主開刀，新制度將於 2025 年 1 月實行，年租值超過 55-80 萬嘅物業，其最高差餉稅率將為8%；超過 80 萬嘅物業則為 12%。市民唔洗擔心咁多，因為受影響嘅物業只佔 2%，所以好大機會只會影響到李嘉誠等有錢人，而最大受益人，即係香港政府則可有額外約 8.4 億元嘅年度收入。
網民：「樓都未買得起，關我咩事？」
NO.8 薪俸稅寬減
「你有壓力，我有壓力！」今年宣布減免2023/24課稅年度百分之百嘅薪俸稅同個人入息稅，上限3,000蚊，創歷年新低！相較2022/23年度嘅6,000港紙，寬減上限減一半，網上有人講：「對中產打工仔嚟講，似加稅三千。」但近年財赤持續，財政司司長陳茂波講到明政府要開源節流。
網民：「其實高登仔個個fg 50k ，一年正常都交3,4萬！」
NO.7 增煙草稅
呢項辣招推出即受全港市民關注，事緣係政府決定增加煙草稅，將每支煙稅提高$0.8，即時生效。換句話講，一包20枝嘅煙要價 $93，吸煙與健康委員會則支持該措施，而當日唔少網友聽到消息即刻衝去買原價煙，又指寧願努力搵錢都唔會戒煙。另一派唔食煙嘅網友表示支持增加煙草稅，有助減少街上煙霧瀰漫嘅情況，但認為阻嚇力不足。
網民：「二手煙好臭，煙草稅加得好！」
NO.6 發債-零售債券
港府面對逾千億元財政赤字，日日頭都痕埋，於是喺預算案提出於2024/25年度發債 1200 億計劃，包括零售債券、基礎建設債券及銀、綠色債券，目的是活化債券市場。有學者指出此舉有助重振香港長期經濟發展，同時為市民提供穩建嘅投資計劃。其實之前政府都有推出過債券，仲要超額認購，證明市場反應熱烈，你又會唔會考慮入手？ 網民：「基建人人有份，都係唔想人唱衰啫」
NO.5 2元乘車優惠
因為2元乘車優惠計劃為政府帶來沉重嘅負擔，所以財爺話今年要檢視可持續性，不過呢就引起社會人士反彈。而財爺陳茂波重申無意取消計劃，只係老年化問題嚴重，係時候要提出一個讓政府庫房支出穩定嘅方案解決。有議員認為限制優惠使用次數及金額，可以避免濫用嘅情況。不過咁樣會唔會違背計劃初衷呢？就真係好睇未來造化～
網民：「長者都冇優惠咁幾時有？」
NO.4 綜援與津貼
政府係財政預算案提出領取綜援嘅合資格人士、高齡津貼、長者生活津貼或傷殘津貼，以及為在職家庭津貼計劃額外發放多半個月津貼，算係今年最實際嘅派糖政策，喺政府開源節流嘅情況下為基層市民減輕些少負擔，涉及額外開支合共約30億元。另外，為咗鼓勵就業，領取綜援而有工作的殘疾人士每月發放額外500元津貼，雖然津貼唔多，但起碼夠加餸⋯⋯
網民：「綜援或是今年最大贏家～」
NO.3 消費券
財政預算案嘅一大焦點，莫過於係消費券！過去2年派發 $20,000 消費券，刺激香港人消費意慾，同時幫到基層市民解決因疫情受影響嘅燃眉之急，唔知大家點樣運用呢？早係預算案公布前，大量網媒發起投票，問大家支唔支持再派消費券，雖然有75% 嘅人非常希望政府派消費券，但今次財政赤字下冇不單只仲大幅減糖，人人皆落空！
網民：「要同講消費券再見啦！」
NO.2 月月煙花
政府表示過去維港兩岸嘅煙花匯演有助吸納旅客，於是係財政預算案決定撥款 10 億 9500 萬元，定期舉辦維港無人機和煙花表演。此消息一出現，即刻引嚟大量討論，有市民認為搞咁多不如搞好民生先；又有環保團體指出月月煙花會加劇空氣污染，同港府現時嘅環保政策反其道而行；大陸網友都反應冷淡，表示唔會因為恆常性煙花而訪港。你又點睇呢？
網民：「係咪冇人有建設性嘅提議？」
NO.1 樓市撤辣
財爺宣布樓市撤辣，即係買樓唔洗再畀印花稅，即時生效！而中國人到港買樓只需付$100 印花稅，加上專才計劃，有大陸人聽到消息即刻坐車嚟買樓，而本地購買力重現，政策宣布嘅第一個月，已經比撤辣前大幅增加逾18倍！同時，預算案中宣佈暫停實施壓力測試，按揭最低入息要求下降，年輕人或自由接案者更容易上樓啦！
網民：「樓市撤辣，唔洗壓力測試好易爆！」
【以上圖文為香港網路溫度計調查結果，未經授權請勿轉載改寫】
分析說明：
本研究資料由《KEYPO大數據關鍵引擎》提供，分析時間範圍為2024年1月26日至2024年3月25日。KEYPO觀測港澳地區萬個網站頻道，包含新聞媒體、Facebook、Instagram、YouTube及各大討論區、BLOG等，針對本議題相關文本內容進行分析，並根據網友就該議題之討論，作為內容撰寫依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
分享本篇文章
你可能也會喜歡這些文章 :