金正恩身騎白馬　網民：全世界都關心隻馬多過佢既行動

文/樂比

北韓媒體喺噚日發佈咗多張相，正係領導人金正恩喺一片茫茫白雪嘅革命聖山之稱嘅白頭山（長白山）上騎住白馬，面露得意嘅笑容，認真威水啊！

連登網民一見到都掀起一波討論，我哋透過《KEYPO大數據關鍵引擎》嘅網路熱度趨勢見到金正恩喺呢個星期簡直係人氣急升，連最HIT嘅文章標題都係金正恩化身白馬王子！

image source：《KEYPO大數據關鍵引擎》，分析期間：2019/10/11-2019/10/17

而白頭山其實喺邊度？太白山又名白頭山，南韓同北韓均視佢為民族聖山嚟㗎！白頭山係一座位於大陸同北韓邊境嘅界山，北韓占山體約1/4、中國則佔山體約3/4。長白山國家自然保護區喺1960年建立，占地21.5萬公頃。2007年，長白山景區仲被國家旅遊局評為國家5A級旅遊景區㖭！

據《上報》報導，「分析北韓政情的專家學者說，金正恩登白頭山，可能暗示擁有核武的北韓將採取新的政策方向。」但網友嘅關注點，竟然大部分都落喺隻白馬上面XD

一齊嚟睇吓網民點樣關心隻馬啦：

「全世界都關心隻馬多過佢既行動」
「隻馬死咗未？」
「第二張隻馬冇笑好擔心佢安全」
「隻馬要變駱駝了」
「馬馬好慘」
「咁多人關心隻馬多過個行動，金仔會唔會犬（處）決咗隻馬」
「戥隻馬辛苦」

熱門文章