過完年就係一個辭職高峰潮！你會唔會係其中一個想辭職嘅人呢？壓力爆煲每次都頂唔順，但又唔知用咩理由辭職好？今日DailyView網路溫度計根據討論度最高嘅辭職理由，透過網路大數據做咗個調查，一齊嚟睇下啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
例如身邊有朋友就係坐唔慣Office，適應唔到坐定定嘅生活，好快就辭咗職。無論係因為錢、工作內容、公司文化定係覺得呢間公司無辦法俾到你想要嘅嘢你，其實好多嘢都係雙方嘅，好似拍拖咁，磨合過都覺得唔OK，已經問心無愧，咁搵下一份工其實都未嘗唔係件好事啊！
當初入職又邊個唔係抱住希望，以為去到一個好公司吖！但開咗波先發現「上咗賊船」，一個人嘅人工，做十個人嘅嘢，公平咩？有時候都會問自己「加班加到咁辛苦為乜？」，加班又冇得pay，工作量亦只會越嚟越大，壓力隨之而增加！唔對路就好走喇！無謂辛苦自己，畢竟人一世物一世，無謂冇咗自己吖嘛！
通常公司都又好多制度上嘅問題，成日扮晒嘢問你覺得公司有咩可改善嘅地方，但永遠都係「講就天下無敵，做就有心無力！」得個講字，你有你講，佢有佢繼續做，反映幾多都冇用，講一套做一套，久而久之員工嘅向心力都磨滅晒，講多都晒氣！公司留唔住人好多時就係因為咁！
有時候返工都會返到懷疑人生，懷疑自己係咪入錯行，有個同事曾經由Marketing轉做工程師，最大嘅原因其實就係因為佢挨夜搏命做，但d客最後都唔收貨，但轉咗做工程師唔單至人工高d仲多咗成功感，所以話人生流流長，搵到自己適合嘅工係最重要㗎！
有時上司同老闆最鍾意似住自己權位大，講嘢都唔得收斂，成日淨係識挖苦下屬。老老實實，員工做到成隻狗咁，除咗錢之外，你估為乜？都係為咗想有成功感或者俾上司肯定吓姐！唔講好說話都算，仲踩多兩腳，講嘢always有骨，俾人鬧到自信心都冇曬，返工又點會返得開心呢？
所謂「休息是為了走更長的路」，其實辛苦咗咁耐，真係俾自己休息吓絕對唔係咩大不了嘅事。休息嘅時間仲可以停落嚟，好好諗下自己想要d咩，咁先唔會好似個工作機器咁吖嘛！嚟個霸氣嘅裸辭都未嘗係一件壞事，最緊要對得住自己！
雖然創業風險高又困難，但點解仲會有咁多年輕人想去創業？其實除咗想做自僱人士唔使再受氣之外，都係為咗自己原本嘅夢想，雖然講夢好似好唔實際，但其實做自己開心嘅事先係最有動力㗎嘛！不過，最緊要搵到個同你夾到嘅partner，如果唔係都會煩到自己啊！
細細個阿爸阿媽都會話「細個唔讀書，大個做運輸。」！所以進修係幾重要呢，有時升唔升到職都好靠張紙㗎！職場最傷莫過於後輩細過你，但升得仲快過你，你都會唔平衡啦！所以進修下其實對以後工作可能仲好過你依家埋頭苦幹咁搏命做啊！
健康因素通常都係壓力太大同工作量所影響，身體都發出警號話你知佢唔得喇！好多人因為工作量壓力好大導致好多病痛都浮出嚟，到時咪又係要請假，何必呢？工再搵就有，健康係無價嘅，所以適當嘅時候都要向工作say no，唔好硬食啊！
第一名係當之無愧啊！以前d人通常湊仔都會交俾工人姐姐，但今時今日唔同㗎喇！雖然好似好老土咁，但依家其實越嚟越多人明白到唔想錯過同小朋友相處嘅時間，畢竟小朋友嘅童年一眨眼就過去，想追都追唔返！所以不妨要深思一下邊樣喺你心目中係最重要嘅！
分析說明：
本研究資料分析時間範圍為2018年2月14日至2019年2月13日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『辭職嘅理由 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
辭職就係需要一個衝動！心動不如馬上行動XD
