以前個個都會話,「冇錢啦,唯有食公仔麵啦!」~但係宜家,食乾拌麵係「Chill」嘅象徵,即使一組價錢要成過百蚊台幣,一向慳錢嘅台灣上班族都依然願意買!有啲仲要冇多幾個錢都買唔到啊!等DailyView網路溫度計用網路大數據排個「台灣十大必食乾拌麵」畀你參考下啦!如果你係乾拌麵fans,下面呢十款一定要同我食晒佢呀!
DV小教室:網路大數據透過 KEYPO大數據關鍵引擎 (keypo.tw),以國際級的語意分析架構、先進的機器學習技術與人工智慧推論引擎,感知台灣網友語意脈絡與情緒,分析時事網路大數據。
image source:fb/PaMi 曾拌麵
阿舍乾麵呢個品牌都算係老牌子,佢喺以前台灣未興賣乾麵就以經跑出來同大家Say hi啦!做咗咁多年,已經有好多香港人知道阿舍乾麵,仲記得以前香港未有咩人做代購嗰陣,勁多人都係唔同論壇度問知唔知邊度有得賣!阿舍乾麵有出幾款麵種,例如外省乾麵,客家粄條同埋台南乾麵,照顧唔同人嘅口味!
![](https://dvblobcdnjp.azureedge.net/Content/Upload/ThemeImages/2019-04/1804c045-d6fd-48b4-a94f-bffb2f6aee95.png)
點解有個「賈」字?因為呢個品牌係由明星賈靜雯同佢細佬一齊設立嘅~其實呢個品牌喺台灣都好出名㗎!不過可惜就冇咩見到香港人食過啦~佢賣得最好嘅就係麻花麵,用咗特選嘅白芝麻醬同花椒製造。佢嘅包裝仲要超靚超文青!啱晒女仔影相打卡,台灣藝人坤達同柯佳嬿嘅婚禮都喺用佢做賓客回禮𠻹!
![](https://dvblobcdnjp.azureedge.net/Content/Upload/ThemeImages/2019-04/38f1c8b2-3b89-47d7-85b4-baf8c2c7d2ce.png)
金博家呢個品牌係由歌手曹格嘅老婆吳速玲設立,最出名嘅款式就係「蔥蔥回魂麵」,用咗手工方式日曬嘅關廟細麵,令你食到「索索」聲~佢勁到喺2018年嘅法國藍帶美食協會選為乾拌麵評比第二名,成為台灣第1,亞洲第2!鍾意食辣嘅人一定要試,因為佢哋係用獨門麻辣配方製造醬料包,包你真係食到「回曬魂」!
![](https://dvblobcdnjp.azureedge.net/Content/Upload/ThemeImages/2019-04/7537fffe-0725-4839-877a-04e84cb5d909.png)
sui ooh水哦千拌麵係由台灣Youtuber「千千進食中」嘅千千開嘅~千千係個大胃王美女,食過珍饈百味嘅佢研發出嚟嘅拌麵又點會唔好食喎!「sui ooh」其實係台語「水喔」,意思係「讚喔」咁解。千拌麵用嘅係台灣在地冇農藥嘅老薑,加上香醇黑麻油,煮出嚟一定勁香!不過香港有得賣嘅地方就比較少見啦~可能大家都要努力搵下!
![](https://dvblobcdnjp.azureedge.net//Content/Upload/ThemeImages/2019-04/91a9533c-c5ac-4e77-8d62-c61ccab8c94b.png)
應該有好多香港人都識老媽拌麵,網上更加有唔少香港人分享老媽拌麵食評!好多鍾意食辣嘅香港人都表示佢呢款麻辣拌麵好香好好味~可以食到辣入面嘅唔同香料味道。老媽拌麵係用台南關廟刀削麵,加埋辣椒、花椒、八角等,最後落埋香菇素蠔油,唔怪之得咁香!依家香港都有得買,大家都快啲去試吓啦!
![](https://dvblobcdnjp.azureedge.net//Content/Upload/ThemeImages/2019-04/0dd6faa7-0942-49af-92fc-fff74b8d8b71.png)
吓!你哋之前唔係介紹老四川係麻辣火鍋嚟嘅咩!?冇錯,但係老四川最近都開埋拌麵品牌,咁就啱晒心掛掛想食老四川麻辣鍋但係又食唔到嘅你啦!拌麵所附嘅麻辣湯包香辣氣味十足,食辣嘅人一定要試!不過可惜目前喺香港就比較難搵到地方買,可能要去台灣玩嘅時候托多幾包返嚟做存貨啦!
![](https://dvblobcdnjp.azureedge.net/Content/Upload/ThemeImages/2019-04/28183cf7-7151-440d-bc69-1449b03dc16f.png)
連KiKi拌麵都唔識就抵打啦!不過好似好多人都誤會咗Kiki就係舒淇,而呢個牌子就係舒淇創立,其實唔係!KiKi其實係一位男人,但舒淇就真係一直都好中意食KiKi拌麵,所以令好多人都誤會咗~點都好,KiKi拌麵係香港仍然係深受好多人歡迎嘅拌麵,亦都有好多香港Youtuber拍過開箱片試食,令到佢越嚟越出名,仲有好多香港人表示蔥油拌麵係最香最好食㖭啊!
![](https://dvblobcdnjp.azureedge.net/Content/Upload/ThemeImages/2019-04/c98bbd78-ce1f-4646-bb92-43300b0d0a1f.png)
乜有一座山叫蘭山咩?其實「蘭山」係台語,係「散銀」嘅意思。因為佢哋嘅宗旨係希望人人都可以用硬幣就食到好食嘅乾拌麵~佢哋好有要求,主要係接到Order先即做,避免存貨,令個個都食到最高質嘅乾麵!唔講唔知,原來佢好把炮,賣到去全球20幾個國家,銷售突破435萬碗!不過香港就未咁易搵到,要係台灣嘅銷售網送到香港啦!
![](https://dvblobcdnjp.azureedge.net/Content/Upload/ThemeImages/2019-04/09249f20-30ab-483d-ae48-a8ff2a15e8a9.png)
呢款拌麵喺香港都比較少聽過~但原來佢喺台灣都係好出名!佢就犀利啦,佢係喺台灣368鄉入面嚴選知名嘅製作廠家去整特調醬料,係經歷咗好多次試驗先搵到最好嘅比例㗎!真係非常認真去研發呀!最多台灣人食油蔥味同億昌麻醬味,身為香港人嘅你快啲去試然後喺香港帶起熱潮啦!
![](https://dvblobcdnjp.azureedge.net//Content/Upload/ThemeImages/2019-04/b0c29bc0-befb-42ce-812b-1fbabfa94e3f.png)
咁多款拌麵你可以唔食,但係曾拌麵你就一定要食!因為佢真係好出名~曾拌麵已經係乾拌麵界嘅長輩級,知名度好到喺香港都掀起狂熱,個個都去買返至少幾包食。佢用嘅麵種係關廟麵,不過就改良咗變成波浪麵體,所以食落口非常有質感!好多香港人都話每隻味都好好食,完全揀唔落手邊款口味先係第一名!咁高評價你又試咗未呢?
![](https://dvblobcdnjp.azureedge.net//Content/Upload/ThemeImages/2019-04/318af7af-60f1-4e41-b9dd-d92b41eee084.png)
分析說明:
本研究資料由《KEYPO大數據關鍵引擎》提供,分析時間範圍為2018年02月25日至2019年02月24日,共一年。
系統觀測上萬個網站頻道,包括新聞頻道、Facebook、PTT及各大討論區、部落格等,針對討論『速食乾拌麵』相關文本進行分析,並根據網友就該議題之討論,作為本分析依據。
本文所調查之結果,非參考投票、民調、網路問卷等資料,名次僅代表網路討論聲量大小,不代表網友正負評價。
![](/Content/img/topic/semi_big.png)
「加入香港網路溫度計Fan Page睇睇網民嘅花生係乜嘢?」>>>
DailyView曰:
好肚餓,好想一次塞曬十包麵落肚!
![](/Content/img/topic/semi_big2.png)