四年一度嘅奧運話咁快完結，今屆奧運香港選手落盡力，終奪兩金兩銅嘅成績認真犀利！而呢班運動員憑住出色表現同獨特魅力迅速成為網絡熱話。今日就跟著網路溫度計，睇吓香港TOP 10 香港奧運選手嘅上榜原因啦！
DV小教室：《網路溫度計DailyView》透過《KEYPO大數據關鍵引擎》觀測、爬梳港澳地區2萬個公開網站頻道，包括新聞媒體、各大Social Media、Forum以及Blog，從中取得資料樣本數，並以AI語意程式作數據分析。「網路熱度」為主題項目相關的網路Posts和Comments ，數值愈大代表項目的討論度愈高。
image source: 大公文匯網
年僅23歲就喺今屆奧運參加女子公路賽、女子全能賽自由車比賽，可惜個人成績未達自己預期，總成績以26分排第20位。當佢完成比賽一行入採訪區就己經眼泛淚光，因為覺得自己表現好差，畀記者追問「係邊方面好差？」時，直頭忍唔住爆喊，記者呢個舉動即刻畀網友Cap圖，直言「好慘，自己都未整到情緒，仲要招呼班記者...」，但都有網友認為你又點睇？
網民：「希望佢好快收拾心情，為下一個目標再奮鬥！」
有「香港美人魚」之稱嘅歐鎧淳今年因為未達奧運A標，所以唔能夠出戰個人賽，不過佢代表香港出戰女子4×100米自由式同混合泳接力。
現年32歲嘅歐鎧淳早喺奧運前預告今年喺最後一屆，好多網友都非常唔捨得。不過，唔知係咪為咗退役鋪路，運動員同藝人兩邊做，畀網友話佢掛住拍廣告而唔訓練，更加笑佢客串《春嬌救志明》，成部戲得6句對白都可以入圍金像獎最佳新演員，唔知你又點睇呢？
網民：「掛住做Model唔練水！」
相信今年有睇奧運男子單打羽球比賽嘅人都對李卓耀唔陌生，又染金毛又紋身仲有網友因為佢嘅外表叫佢做「MK耀」，奧運一場對戰墨西哥球手加列度嘅態度都遭人詬病，之後雖然不敵中華台北代表周天成止步分組賽，但起碼佢知自己衰冇耐性，希望佢之後比賽可以調整自己心態！另外，佢早前接受訪問表示，好多運動員都因為冇錢而放棄，認為作為全職運動員人工起碼要有最低工資啦，比起其他家裡有礦嘅運動員嚟講，夠晒貼地。
網民：「有技術，但有啲串嘴⋯⋯」
人稱「羽毛球一姐」嘅謝影雪今屆打完退役，最後一場賽事不敵韓國組合，事後接受採訪先知佢喺奧運前傷患復發，連擠牙膏都擠唔到，如今打到半準決賽已經好叻女！而佢退役後有3件事想做就喺讀營養學、開設一間寵物友善嘅咖啡店，同去紐西蘭跳傘。謝影雪一返到香港就喺Threads 同大家互動，終於可以瘋狂打機同食埋念念不忘嘅mcgriddle！
網民：「謝謝你代表香港，辛苦了！！」
香港混合雙打羽球「鄧謝配」喺今年奧運八強止步，好拍擋謝影雪要退役，鄧俊文就同為今屆香港奧運羽球選手嘅女友楊雅婷，去咗轉日本放個假，終於唔洗帶球拍當然要玩盡啦！
不過旅程途中竟遇到地震，嚇到佢上Threads 分享，點知畀謝影雪踢爆佢一個人瞓都驚！睇得出「鄧謝配」唔單止喺羽球神隊友，更喺無與倫比嘅死黨！
網民：「香港人心目中的冠軍」
香港乒乓球選手「黃鎮廷」自2012年倫敦奧運開始佢嘅夢想之路，由後補打到上依家出戰男子單打同混合雙打，當然有返咁上下實力！
而佢自從做咗老竇，一改以前手軟嘅個性，勢要將敢拼敢搏嘅精神話畀女女聽。而佢表示已經當今屆喺最後一次參加奧運，雖然男單32強惜敗，但混雙搶入4強已經喺歷屆最好成績，盡晒力！
網民：「直接參選區議員啦！」
杜凱琹喺上屆奧運同隊友一齊為香港奪得女子團體賽銅牌，今屆雖然參與女子單打、女子團體同混合雙打項目，但全部落空，無緣獎牌。其中一場混合雙打賽事面對嚟自朝鮮嘅神祕對手，雙方局數比分都非常接近，最後可惜輸一局，但有網友就話好彩朝鮮有贏到，如果唔係返北韓都唔知洗唔洗入勞改營。 網民：「成日都見到佢，出鏡率100%！」
何詩蓓係香港游泳運動員，喺奧運會及世界錦標賽中屢創佳績，先後喺東京同巴黎奧運會上奪得兩枚銀牌同兩面銅牌，令佢成為全港焦點。完賽後回港表示暫時未有計劃，如果退役希望讀心理學相關嘅科，又指代表香港喺佢嘅榮幸，其實唔少網友認為佢揀香港先喺香港人嘅榮幸！而佢同場回應泳總會長王敏超對佢只拎銅牌感到少少遺憾，直指呢個喺「佢哋對我嘅期望，唔喺我自己嘅目標」。大批網友大讚，「駁得好！」。 網民：「好like 何詩蓓 鐘意佢講野直率」
張家朗係香港男子劍擊運動員，喺2020年東京奧運會上為香港奪得首枚劍擊金牌，今屆巴黎奧運再下一城，成功衛冕拎多個金牌，賽後更感謝港人支持之餘，仲叫大家返工加油，夠晒香港特色，成為全港焦點。不過今屆決賽，有意大利網友不服賽果，喺張家朗Instagram 留言指佢偷走金牌，香港網友不甘落後留言回擊開始罵戰。而佢回港接受採訪時甜蜜怕醜承認同法國劍擊手Solene Butruille 拍拖，同場上激戰嘅樣完全相反，真係好Sweet! 網民：「審美同以前唔同咗」
江旻憓喺今屆奧運奪得女子個人銳劍金牌，一劍成名後，大家都封佢為香港劍后，但人紅事非多，被網友起底佢嘅博士論文內容有政治爭議，一夜之間跌落神壇！ 短短兩日時間，更直接宣布退役，畀網友認為佢過河抽板，唔尊重自己嘅專業。馬會打蛇隨棍上隨兩日公開佢加入馬會任職對外事務助理經理，隨即引起網友熱烈討論！ 網民：「擺到明鋪好晒路啦！仲得閒打劍咩？」
以上就係熱門香港奧運運動員TOP10，香港運動員喺今屆奧運上嘅卓越表現有目共睹，雖然有唔少運動員要退役，但依然有好多新人正在努力為香港搏盡無悔！一齊期待下屆奧運啦！
【以上圖文為香港網路溫度計調查結果，未經授權請勿轉載改寫】
分析說明：
本研究資料由《KEYPO大數據關鍵引擎》提供，分析時間範圍為2023/8/14-2024/8/13。KEYPO 觀測港澳地區萬個網站頻道，包含新聞媒體、Facebook、Instagram、Youtube及各大討論區、BLOG等，針對本議題相關文本內容進行分析，並根據網友就該議題之討論，作為內容撰寫依據。
本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。
本篇分析報導使用「KEYPO大數據關鍵引擎」輿情分析系統