咁食法你肥咗幾多呢？
香港人最鍾意就係吃喝玩樂，特別係發掘美食！咁又係嘅，食之前影張相打個卡仲可以呃like～以下最潮嘅飲食指標統計，除咗可以呃like吸fans仲可以吸埋D脂肪過來𠻹(走佬～～)好啦其實肥都唔緊要，人生再世梗係要食得開心啲㗎啦！今次DailyView網絡溫度計來用網路大數據幫大家睇下自己算唔算係飲食達人啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
image source：
為咗打卡食好嘢排幾耐都甘願啊！
9 兩種食法嘅鰻魚飯-名代宇奈
係日本人氣爆高嘅名代宇奈其實係一間鰻魚飯專門店，香港分店使用嘅鰻魚都係日本直送過嚟，而鰻魚飯所用嘅醬汁都係獨門自製，喺其他鋪頭食唔到呢種同鰻魚咁夾嘅醬油味道㗎！最多人食嘅就係雙層鰻魚丼，唔好以為淨係得一碗丼飯，佢仲會附上一壺茶，令你除咗可以直接食用鰻魚飯之外，仲可以倒落去食茶漬飯㖭～
8 日本拉麵人氣王－麵屋一燈
麵屋一燈係日本東京人氣第一，拎咗好多獎，打卡族知道香港都有得食梗係嗱嗱臨去食返碗啦！一定要提佢哋嘅芳醇鹽味拉麵，慢火熬煮雞湯，而雞隻係法國品種引入到日本飼養，雞味非常濃郁，而舊叉燒係用真空低溫烹調法來調製。沾麵方面湯底會再濃啲，食晒個麵就可以落魚介清湯飲埋落肚，好多人都話食過返尋味呀！
7 摺來摺去嘅包包-八月堂
八月堂標榜使用日本百年牌子麵粉，歐洲天然牛油等高質食材。官網表示最好賣嘅係牛奶糖可頌、青森富士蘋果可頌、迷戀卡士達、朱古力可頌、雪花檸檬同炙燒明太子（網友最鍾意食嘅黑糖麻糬竟然冇上榜！）。一咬落口就見到有好多層，原來係運用獨門摺層手法，令個包外脆內軟。要留意係每日限量出爐！
2 健康快餐-SHAKE SHACK
其實SHAKE SHACK本身就好出名，就連香港Youtuber Ming仔都係佢嘅fans！仲試過為咗佢個包差啲趕唔切去機場返香港！SHAKE SHACK係高檔快餐，因為佢地用既肉類都係全天然冇加激素，食呢間你阿媽就唔會話你唔健康啦！（溫馨提示，小編咁啱次次都係外國人落order， 要有心理準備講英文啦！）
1 服務大過天嘅海底撈
海底撈最出名唔係嘢食，而係服務質素。提供橡筋幫人摵蝦殼，有美甲服務托兒服務都不在話下。佢竟然仲有個人「特別特遇」！有網友表示「食到湯底整污糟左條褲竟然有店員買條新褲送俾佢」， 亦有網友表示「自己係大肚婆有店員送咗兩個蘋果俾佢」，祝佢「蘋蘋」安安。今時今日咁嘅服務態度，玩贏曬啦～
你今日飲咗未？
10 迷客夏為咗你哋養咗成班牛呀！
2018年迷客夏喺香港開咗兩間分店，最大賣點係佢哋所用嘅牛奶都係自家農場出產。冇錯，迷客夏特登養咗一班牛來做飲品既牛奶來源，唔似得其他手搖店搵牛奶供應商去生產飲品。淨係講佢哋對品質嘅堅持都值得一試表示支持啦！好多網友都最鍾意飲佢哋嘅大甲芋頭鮮奶，芋香濃郁同鮮奶勁夾，真係正到揼一聲！
6 有賣相又有內「鹹」嘅喜茶
2012年成立嘅喜茶，杯嘢又有賣相又有內「鹹」，深受女性歡迎。點解用「鹹」字？講緊嘅咪就係佢哋賣得最受歡迎嘅芝士奶蓋系列飲品囉！鹹鹹地嘅芝士奶蓋味，配搭埋各種飲品真係超級驚喜！鍾意士多啤梨嘅就一定要試「芝士草莓」，鍾意茶味可以試「芝士四季春」或者「芝士綠研」。（講到好想飲返杯呀～）
5 不可以吃鹿鹿！-鹿角巷
鹿角巷喺香港目前開左2間分店，最好賣一定係每日限量發售嘅黑糖鹿丸鮮奶。冷靜啲，啲丸唔係用鹿肉來做嘅，其實都係珍珠（搞下噱頭姐～）另外一款就係佢哋嘅光飲系列，係限定發售嘅飲品嚟㗎，杯杯都做到唔同顏色嘅漸層效果。好多網友都好鍾意佢哋嘅鹿仔logo，可愛到爆發咗少女心。拎住杯嘢飲影相呃like冇難度！
4 水果之王-一芳台灣水果茶
睇個名就知道，呢間最Hit嘅唔係賣珍珠奶茶而係水果茶！佢哋用嘅水果全部都係台灣當造盛產水果，例如宜蘭金桔，埔里百香果。佢哋嘅招牌一芳水果茶，五顏六色嘅生果切晒一件件擺喺杯入面，就好似做緊個水果展覽咁～飲落去少少酸少少甜，非常之清新。啱晒唔鍾意飲好甜嘅人，又或者減緊肥嘅你都可以飲返杯落！
3 茶味雪糕唔中伏嘅天仁茗茶
台灣品牌天仁茗茶原來做做下，係海內外都開左超過200間呀鋪啦～好多香港人都表示覺得天仁茗茶嘅茶葉味夠香夠天然，難怪紅到2019啦！原來天仁茗茶已經累積咗60幾年製茶工藝，以「天然、健康、人情味」做經營理念。天仁茗茶除咗賣嘢飲最大特色係賣埋雪糕！好多人都去買返支鐵觀音霜淇淋食，你又試過未呢？
分析說明：
本研究資料分析時間範圍為2018年03月25日至2019年03月24日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『2018爆紅美食／飲品』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
分享本篇文章
你可能也會喜歡這些文章 :