最近星加坡組合by2嘅Yumi自爆按摩嘅時候遇到色狼遭到性騷擾，大家可能都覺得螢光幕前嘅佢哋往往都光鮮亮麗，但其實邊有我哋想象中咁好呀～今日DailyView網路溫度計根據明星光環底下遇到慘事嘅藝人，透過網路大數據做咗個調查，一齊嚟睇吓啦～
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
網上流傳曾華倩試過對曾志偉大打出手，當眾摑佢一巴！點解呢？流傳話曾志偉借酒而行為不檢，有一次喺《歡樂滿東華》嘅慈善會上面酒後失態，非禮曾華倩，結果曾華倩當眾摑咗佢一巴，令佢即刻清醒返，不過已經事隔多年，佢哋都仲係朋友。
陳貝兒同苟芸慧喺巴西直擊世界盃嘅時候接連俾瘋狂球迷非禮，已為人妻嘅陳貝兒喺巴西遭球迷錫臉、抱腰，甚至胸袭。不過佢接受訪問就話啲球迷太過熱情，咁多人有身體接觸都冇辦法，大方嘅佢就表示佢哋都唔係有惡意嘅。
朱茵有次出席性教育活動嘅時候，分享話佢讀書嘅時候曾經喺超級市場被人摸大脾，當時嘅朱茵以為對方唔小心，點知對方再嚟「鹹豬手」佢先知道自己俾人惡意性騷擾，呢件事令佢印象深刻。
有報道話鄭希怡喺拍緊一場醉後被全裸外國演員非禮嘅戲份時，因為演員前後重要部位都冇遮住，佢向導演要求對方遮住前面，點知導演就話：「畢竟喺外國人，冇見過啊嘛！不過要佢用膠紙遮住真喺唔好意思，應該好痛！」，令到鄭希怡好尷尬！
陳茵媺去馬來西亞拍攝TVB劇集《單戀雙城》外景，有報道就指佢喺拍攝一場調戲鏡頭嘅時候被4名南亞裔臨時演員非禮，上下其手，甚至掃背、熊抱同埋胸襲，現場嘅其他演員竟然袖手旁觀，令佢好委屈，當時男友陳豪知道之後都好嬲㖭啊！
苟芸慧喺巴西直擊世界盃嘅時候受到球迷騷擾，佢事後回憶翻件事就表示：「喺巴西拍嘢好多時都會畀球迷抱起、攬住、錫面都可接受，但係kiss就真係接受唔到。自己好shock，成個人frozen咗咁，自己唯有行開cool down」。雖然留有陰影但佢為左拍攝進度所以都無搞大件事。
張柏芝曾經喺受訪嘅時候提過之前去戲院睇戲，想將手機較到靜音模式嘅時候，身邊嘅外籍男士以為佢要打電話，即時捉住佢隻手搶電話。佢仲話嗰個人要搶佢電話，用英文粗口鬧佢，仲不停磨擦佢胸部。最後梗係報警啦，個外籍男士亦都以認錯告終。
劉嘉玲當年裸照事件，喺當時嘅香港都引起轟動。成件事就咁嘅，當年有黑社會揾劉嘉玲合作拍片，但俾劉嘉玲拒絕咗，於是就將劉嘉玲綁架仲拍左好多祼照。最後佢曾經話過自己可以原諒呢一切。不過其實創傷都唔係一句原諒就可以忘記嘅。。。
鄭秀文曾經喺馬來西亞舉行演唱會嘅時候，遇到一個熱情嘅男粉絲，嗰位男粉絲不但當眾向Sammi示愛，仲捉住佢隻手想攬住佢，乘機強吻佢，結果被佢毫不客氣咁趕左下台。有時候做藝人都唔簡單，時不時都會發生呢啲事，連E神都曾經比粉絲強吻過。
藍潔瑛由當年嘅「靚絕五台山」到晚年面容憔悴，之後就有報導指出點佢會變成咁，曾經有一段片內容係藍潔瑛接受媒體訪問嘅時候佢之前點解用刀片割脈自殺之外，更講出先後被兩位大哥級人強姦，一個已經過左身，而另一個係當年她去新加坡探班嘅時候，被人偷入房間強姦。
分析說明：
本研究資料分析時間範圍為2017年6月22日至2019年1月21日，約半年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『明星光環底下遇到慘事嘅藝人 』相關文本進行分析，並根據網友就該議題之討論，作為本分析依據。
本文所調查之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
做藝人真係「如人飲水 冷暖自知」啊！
