依家香港嘅運動員越嚟越明星化，亦都有好多運動員轉行做藝人，好多原來仲曾經代表過香港出賽㖭！今日DailyView網路溫度計根據明星化嘅運動員，透過網路大數據做咗個調查，一齊嚟睇下啦！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
佢係1979年香港小姐冠軍兼最上鏡小姐。見過電影金像獎個獎座未？無錯就係根據佢個樣倒模嚟做㗎！攞獎之前佢係1978-1980年全港女子跳高紀錄保持者，形像健康到痺！1991年佢下嫁富商虞哲輝，貴為名門闊太，之後更成為第一位華人女子高爾夫球教練。鄭文雅嘅幸福指數係咪好高呢！
讀番書嘅朱鑑然，喺加拿大哥倫比亞大學畢業。佢係游水健將嚟㗎，介紹番，佢代表香港出席2010年廣州亞運會，又代表過香港參加2009年和2011年大運會。而家轉戰演藝行業，憑藉身高和英俊嘅臉孔，早前參演過電影《破風》及超級網劇《無間道》。演過嘅角色有特警、英文老師，成績有目共睹。
唔怪得咁鍾意打籃球，原來父母都係籃球員，咁嘅環境長大想唔熱愛籃球都唔得。中四嗰年仲連學都退埋，轉為全職運動員！19歲嗰陣仲參加南韓舉行嘅亞運會，贏得男子花劍團體賽銅牌。2016年又攞埋亞洲鈍劍冠軍。2017年又拎埋世界青少年錦標賽男子花劍個人冠軍。 依家有時仲會拍吓廣告咁，真係好唔得閒啊！
踢波又得，演戲又得，佢就係人稱稱KK嘅張國強。話時話，佢15歲就加入香港足球隊，仲係踢甲組㗎，又去過國外參加過比賽。加入無綫電視，憑飾演慕容復成名，之後拍過好多電視劇，亦做過細路節目《430穿梭機》第一代節目主持。講咁多差啲變成甘草演員，貴為資深演員，演技梗有番咁上下。
網上都稱佢為「跳高女神」！佢係咪靠高挑身材食糊？佢身高1.72米，係香港女子全職跳高運動員，2016年起成為香港跳高女子紀錄保持者，仲係兼職Model。係咁嘅，佢中二嗰年參加校內跳高比賽事勇摘銀牌，之後接受專業方式訓練，並喺學界賽中嶄露頭角。2016年的里約奧運佢以1.88米成為世界排名第9，都咪話唔勁！
佢係歌手無邊個唔知，但佢係高爾夫球運動員，就唔係個個都識。佢6歲就識打高爾夫球，並喺好多比賽中代表香港出戰。另外佢14歲學習音樂，2009參加咗第一屆《超級巨聲》初試啼聲，一炮而紅，跟手簽約無線電視。2018年佢喺「香港業餘高爾夫球女子賽」贏得冠軍，再接再厲咁又贏得其他公開賽嘅資格。
唔使講，人靚就點都着數啲，游水都掂，唔叫飛魚，都要叫美人魚。佢就讀名校，留學美國，品學兼優，人靚體健。從小就係父母嘅掌上明珠，教練睇重嘅潛力飛魚。自里奧開始被封為「最美持旗手」後，歐鎧淳人氣急升，更走上金像獎的紅地氈，又係運動品牌嘅代言人。貴為靚女歌手、演員，真係仙氣逼人。
2014年嘅香港十大傑出青年。點傑出？嚟度介紹番，佢曾經擁9項香港游泳紀錄，2000年悉尼奧運刷新200米背泳及400米個人混合泳兩項香港記錄。之後全身投入娛樂圈，而家係歌手和演員。曾拍過多部電視劇和電影，亦推出多張個人唱片。佢形像健康，入行首10年已擔任超過80次慈善活動大使。夠未？
佢本來都係香港遊泳代表隊嘅健將，自細就愛好運動，仲特別鍾意踢波同游水。2014年退役之後入咗大台，憑藉自身嘅優勢，順利咁成為了TVB的體育臺主持人，偶爾做埋兒童頻道。參演台慶劇《誇世代》之後演技獲得首肯，而家演出多咗，《殭》和《幕後玩家》佢都有份做客串㗎！
今日，長大咗嘅王嘉爾韓星味十足，同時喺舞蹈、唱歌同埋rap方面發展。咩嘢來頭？生於體育世家，梗有番三幾度散手。佢係前香港男子劍擊代表隊隊員，佢老竇仲係香港劍擊隊總教練㖭啊！佢5-10歲就練習體操，12歲全運會獲得劍擊金牌，2011年亞洲青少年劍擊錦標賽亞洲排名第一。
分析說明：
本研究資料分析時間範圍為2018年1月31日至2019年1月30日，共一年。
網路大數據系統觀測港澳地區上萬個網站頻道，包括新聞頻道、Facebook、Instagram、Twitter及各大討論區、部落格等，針對討論『明星化運動員藝人』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
睇嚟運動員都係藝人嘅潛力股啊！
