你最想邊個做你老竇 香港10大霸氣富豪排行榜俾你揀！

香港著名地產商，依家都70歲囉。自1984年投資中國，由上海酒店業起，到唔同省市，包括武漢、佛山、杭州等，建立咗一系列屬於高端商業地產嘅投資，包括管理及建築業務。跟住1995年喺重慶買埋水泥廠，更令佢嘅瑞安集團成為中國三大水泥公司之一。2008年娶咗充滿貴氣嘅前香港小姐朱玲玲。

佢係富二代，但唔係二世祖嗰隻。2012年佢接掌新世界集團業務，一生致力維持集團喺香港嘅領先地位。包括業務性質唔同嘅核心項目，包括新世界地產、周大福金行、新創建嘅基建投資等。除咗香港公司持有嗰啲，佢私人喺倫敦都有唔少喺倫敦。2018年《福布斯》富豪榜單係佢個人嘅身家（唔包括上市公司）已排名49。

香港著名嘅實業家，有「亞洲基建之父」之稱。最近落成通車嘅港珠澳大橋，亦係佢喺1983年倡議。佢一手創辦咗1972年上巿嘅合和集團，之後2008年就上咗《福布斯》全球億萬富豪排行榜。佢魄力過人，其他完成嘅建築項目，仲包括全球最快建築速度紀錄嘅深圳沙角B電廠，同埋中國廣州第一間五星級酒店等。

人稱大劉嘅劉鑾雄，有「股壇狙擊手」之稱 ，投資眼光敏銳又極具魄力。與細佬劉鑾鴻（細劉）喺1978年繼承爸爸嘅吊扇廠，其後發展成愛美高集團。1980年代轉投香港金融、地產和股市。大劉共有7名子女，劉鳴煒係已故原配寶詠琴的長子，現為身為華人置業主席兼行政總裁。

人稱「四叔」，自小就有生意頭腦，6歲起就喺父親嘅金舖學做生意，喺商場上有「鐵算盤」之稱，可以見得佢幾咁精打細算。1970年代佢睇準地產條水，創辦咗恆基兆業地產，一躍成為香港四大地產發展商之一，亦係新鴻基地產嘅聯合創辦人之一。2015年起就長期踞《福布斯》香港富豪榜第二位。

已逝的郭炳湘係新鴻基地產聯合創辦人之一郭得勝嘅長子，新鴻基地產係香港最大型的地產發展商之一。郭炳湘聯同兩個細佬 — 郭炳江、郭炳聯，郭氏兄弟身價合共超過2000億港元，排名僅次於李嘉誠。即使三兄弟在2018年分家，郭炳湘個人仍以  679 億港元身家打入 2018 《福布斯》香港富豪榜第 10 位。

係依家英皇集團創辦人兼董事局主席。好多人對英皇的認知可能只限於製造歌手同藝人嘅英皇娛樂，但英皇嘅事業係由鐘錶店起家。楊受成喺1964年開咗自己第一間「天文台錶行」後，兩年內就攞到國際精品嘅代理權，同年發展埋珠寶生意，為之後多元化的業務發展打下基石，而楊受成於2011年首次上榜香港四十大富豪。

李嘉誠嗰細仔，有「小超人」美名。點解咁講，佢識點石成金囉！先講佢本業，佢好鍾意IT，畢業喺美國斯坦福大學，興趣自不然係電腦工程系。1991年咁時佢投資4億美元創立StarTV開始，到買賣電訊盈科整宗交易，套現獲利估計超過50億港元。令佢喺2018年香港富豪榜Top 50榜排第19位，身家高達44億美元。

英國利物浦大學畢業，係海事工程理學士。1992年以行政局非官守議員開始步入政界。1997年出任香港第一任特首之前，佢係航運界東方海外嘅大股東，承繼咗佢父親董浩雲嘅生意。2018年佢同兄弟董建成以492億元將呢盤生意賣畀中遠海運，令董建華首次亮相《福布斯》香港富豪榜。

被稱譽為「李超人」。22歲籌借5萬元經營塑膠廠，賺到人生嘅第一桶金。憑著縝密思維和勇進膽色，投資香港一枝獨秀嘅房地產業，之後佢更多元化咁向全球發展業務。喺悉心經營下，今天已涵括香港人衣食住行唔同層面。自從1999年被《福布斯》評為全球華人首富以來，成為香港首富超過20年。