中國大陸禁宮鬥劇，話咩「劇中爾虞我詐會產生負面影響」，相信令到好多鍾意睇人「爾虞我詐」嘅劇迷好傷心。但其實唔使驚㗎！因為有時娛樂圈嘅藝人們都鬥得好好睇！今日DailyView網路溫度計透過網路大數據嘅調查，統計咗最多人食花生嘅反面藝人掛名！唔好畀佢停！大家埋定位！睇好戲喇喂！
DV小教室：香港網路大數據觀測咗近萬個網站頻道(而且不斷增加ing)，包括港澳地區的新聞頻道、FB、IG同埋各大討論區、Blog......透過強大嘅網文爬梳觀測，攞到巨大嘅資料樣本數，拎到上億嘅文章及留言訊息，以人工智慧的語意程式做分析。
Edison同楊千嬅曾經以「契姐弟」相稱！當年咁friend，喺Edison面對「閃卡」事件果陣，千嬅仲表示好關心。今年年頭，有網民留言話千嬅由支持Edison潮牌「CLOT」轉去支持樂仔嘅「MADNESS」嘅時候，Edison火爆回應話「THEY AIN'T MY FRIENDS SO THEY CAN DO WHAT THEY WANT」！
喺80年代，應該好多新世代都唔知，但當時真係睇到人花生一地都係啊。話說，佢哋都係同屆畢業於藝員訓練班，感情好好，但後來就因為爭「仔」反哂面。咩「仔」啊？咪偉仔囉。1988年，偉仔同曾華倩拍咗六年拖，中間分分合合，最後竟然係閨蜜劉嘉玲介入徹底玩完，塵世間最痛苦嘅事莫過於此！
台灣范瑋琪、張韶涵本來係福茂唱片嘅同門師姐妹，聞說係因為搶資源嘅原因不和。但有趣嘅係，兩人嘅恩怨故事好撲朔迷離，源頭係咩大家都係道聽途說，但網路因為兩人引起嘅罵戰就無停過，真係忍唔住講句：「媽啊！好亂啊！」搞到呢家睇佢哋兩個講嘢都好似句句有骨咁，真係「劇中爾虞我詐會產生負面影響」啊！
前台灣女團「Dream Girls」自解散後，不斷傳出不和消息，郭雪芙、李毓芬又爆出唔少組團時嘅黑暗相處，破壞一班毒L對台妹女團嘅想像。但咁又難怪嘅，正所謂相見好，就同住難，d女團成日要住埋一齊，一定有好多爭執，鏡頭前仲要扮Friend，邊似香港「Twins」鏡頭前後都咁老友！
除咗一齊開過騷之外，陳冠希「閃卡」事後都有話Eason有關心佢，仲覺得對方係真心嘅。但同年年底，有傳媒報導徐濠縈同陳冠希遊日本，Eason疑似被戴綠帽，往後兩人都無咩交流。不過今年就花生多多，同千嬅一樣，Eason喺CLOT同MADNESS中，都係做咗陳冠希口中嘅「THESE SNAKES」，朋友？不了！
佢哋曾經一齊主持節目《娛樂百分百》，「台風」喺香港盛行時，獲得唔少迷妹們嘅最愛。兩個靚仔，分別都有個好鬼死cute嘅名，又「小豬」，又「小鬼」咁。但後來因為小鬼講笑話小豬粉絲「無氣質」，兩人開始有心結，最後小鬼連《娛百》主持都唔做喇！喂，乜原來唔至個名cute，連朋友相處都好似小朋友咁cute㗎喎。
嘩！呢pair就唔多講啦。一個字，張柏芝。其實唔講都唔知，原來佢哋兩個以前喺國際學校係同班同學嚟㗎！之後2003年同2004年都分別一齊合作咗《飛龍再生》、《新紮師兄》呢兩套戲，可以話係由戲外Freiend到戲內啊！不過，喺2008年閃卡事件發生之後，佢哋都冇再見過面喇！原因係咩大家就心照啦～
咩故仔最引人入勝？就係大家都估估下嘅故仔。當年曾志偉喺2001年俾人打到到豬頭咁樣。當時有報導話係曾志偉抽人水，又有報導話係佢多嘴，但最多人講嘅就係，曾志偉說容祖兒生得醜樣，D牙又肉酸。江湖大佬向華強就幫容祖兒出頭，搵人打到曾志偉豬頭咁樣。如果係真嘅話，咪真係「誰大誰惡誰正確」？
當年陳冠希、余文樂孖住拍咗唔少戲，《頭文字D》、《無間道》、《江湖》等等，兩個都青靚白淨，冧死唔少𡃁妹仔！但過咗咁多年，佢哋兩個仲真係好似拍《無間道》咁，水火不容。早年爭女，近年爭brand。唉！爭咩啊！不如crossover啦！
范冰冰同章子怡都係大陸一線演員，兩人戲裡戲外都盡現攻心計，其中最令人印象深刻，就要數當時章子怡首次擔任製片人製作電影《非常完美》之後，一齊上大陸節目，兩個人話中有話，又暗串，又有骨，完整演出咩叫「爾虞我詐」，中國大陸就禁宮鬥劇，可唔可以禁埋佢哋兩個同台啊？
分析說明：
本研究資料分析時間範圍為2018年02月25日至2019年02月14日，約一年。
網路大數據系統觀測上萬個港澳地區網站頻道，包括新聞頻道、Facebook、Instagram、Twitter及各大討論區、部落格等，針對討論『中港台反面藝人 』相關文本進行分析，並根據網友就該議題之討論，作為本分析依據。
本文分析之結果，非參考投票、民調、網路問卷等資料，名次僅代表網路討論聲量大小，不代表網友正負評價。
DailyView曰：
「劇中爾虞我詐會產生負面影響」
