片／洗米華三角戀告終？情人Mandy Lieu心死分手
香港知名太陽娛樂文化有限公司老細周焯華，又有個備受香港人知道嘅別號，洗米華。洗米華出生喺澳門，係港澳商人，但佢最出名嘅，並唔係佢搞嘅生意有幾成功...
Image source：FB／Mandy Lieu
文／積遜猿
Image source：FB／Mandy Lieu
Mandy Lieu係邊個？呢位大美女係香港混血模特兒，出生喺馬來西亞，網民有時會叫佢中文名「劉碧麗」。Mandy係美國、馬來西亞兩地嘅混血兒，呢兩地嘅文化交流，先會有Mandy咁特別嘅美女出世。Mandy外形高瘦，從事模特兒自然好有條件，加埋動人嘅外表，愛情路上一直都唔缺伴侶。好似2008年同台灣藝人陳柏霖一齊，分手後又有傳同小超人李澤楷拍拖。不過最令香港人津津樂道嘅，係Mandy同洗米華嘅愛情故事。
2014年Mandy同洗米華拖手出席飯局，呢段三角戀首次俾世人知道，引起咗香港人熱烈嘅討論。而Mandy亦都深得情人愛護，2015年仲為佢產下一女，之後仲喺傳媒面前演世紀牽手，兩人公開戀情，之後都成日一齊出席公開活動。2016、2017年，Mandy再為洗米華生咗一仔一女。期間，2015年洗米華正印陳慧玲仲因為Mandy同佢咁高調，嬲到要求離婚。差少少呢段三角戀，就要由Mandy Lieu取代陳慧玲而告終！
不過陳慧玲經過一年多之後，都係決定放棄離婚。會唔會係洗米華哄到佢，令佢回心轉意呢？呢樣嘢就得佢哋兩個知喇。但係唔會離婚，亦都意味咗Mandy呢世都做唔到正印，呢段三角戀糾紛要一直演落去。唔怪得2017年好兄弟古天樂都串洗米華，叫佢同陳慧玲一齊上台合唱，睇怕都係笑緊洗米華三角戀搞到好煩。2019年10月30號，《蘋果》報導洗米華拒同老婆離婚，Mandy Lieu正宮夢碎，洗米華畀咗逾3億掟煲費比佢。如果一切係真，呢場香港人關注多年嘅世紀三角戀，可能要正式完結喇！
一齊睇睇網民對呢件事有咩諗法：
「咁就3億，好過去搶。」
「比人炒有3億代通知金，仲可以搵第二份工，正啦！」
「有錢佬嚟講洗米華都幾正。」
延伸閱讀►►►
