片／方力申為慈善再戰江湖，狂游45公里險死環生
香港地，翻開報紙，打開電視，睇睇新聞通常都係相當負面，直頭令人睇完個心都唔舒服，認真悲劇。香港人平時返工返學都好大壓力喇，仲要睇埋堆咁慘嘅消息，...
Image source：FB／古巨基 Leo Ku
文／積遜猿
要講香港最近最佳嘅好人好事，相信大家都會諗到方力申！吓，咩你唔知方力申身體力行，為慈善要喺香港環島泳，成45公里咁長，真係好勁。雖然方力申游水好勁，係退役香港游泳代表隊隊員，曾擁九項香港游泳紀錄，但佢已經退役好耐，又無以前後生做運動員咁好體力，要游咁耐，都唔係一件易事。早前《東張西望》仲報導佢訓練期間，因為太過辛苦，喺海中中暑狂嘔，險死環生，真係為慈善付出埋自己條命！方力申，真男人！
Image source：《KEYPO大數據關鍵引擎》
根據我哋嘅《KEYPO大數據關鍵引擎》圖表可見，網民討論方力申在五個高點，第一個高點9月11號，即係上面《東張西望》報導方力申訓練時險死嘅日子。第二個高點係9月20號，香港藝人余詩曼喺FB幫手宣傳方力申嘅慈善環島泳，引嚟大批網友支持方力申。第三、第四個高點，係方力申自己宣傳，同埋有媒體報導。最後一個超越晒前四個高點嘅頂峰，就係11月5號環島泳當日喇。
喺9月20號，余詩曼喺FB上傳咗條影片，支持方力申45公里慈善環島泳，佢首先話呢件事好困難，45公里，單係行都會行到腳軟，仲要喺大海入面無得停。余詩曼就話作為朋友，就好擔心佢嘅安全。不過，佢又話，明白點解方力申會選擇游水去做慈善，因為咁樣可以令大家知道，原來有好多地方，人哋連水都唔係咁輕易飲到。余詩曼最後仲話，已經捐款支持，反問大家捐咗未，真係好有心。
11月5號，喺方力申45公里慈善環島泳當日，佢嘅好朋友古巨基就喺凌晨摸上佢屋企！方伯母形容好心痛，要遊十二個鐘，唔知到時會點。當時，方力申已經成功籌得700萬以上嘅善款，都認真大壓力，難怪佢出發前會頭痛喇。而古巨基見證住佢嘅成功，方力申最後游晒45公里，時間仲要超額完成，全程只係用咗10小時38分鐘。睇嚟方力申為咗今日做嘅準備，係好有成效嘅，順利完成，好人好事，真係吉人自有天相。難怪咁多香港人都同佢講一聲：多謝！
一齊睇睇網民點樣講方力申：
「真係好勁，好佩服小方，我哋知道嘅難處已經有咁多，唔知道嘅一定更多，係勁嘅，係一件好值得自豪嘅事！」
「暖心基一直都給小方打氣，你們都是最棒的！正能量！」
「我都有睇住直播小方游完上水個一刻，真係好感動。」
延伸閱讀►►►
