片／犯人疑似不滿動漫劇情？日本「京都動畫」惡意縱火多人傷亡
日本著名嘅動畫製作公司「京都動畫」（Kyoto Animation），俗稱「京阿尼」（京アニ / 京Ani），喺1985年成立至今，呢間公司出產...
Image source:YouTube截圖
文／積遜猿
7月18號，日本傳嚟咗一個惡耗，注定咗呢日係動漫迷傷心悼念嘅日子。「京都動畫」位於京都市伏見區嘅工作室，喺7月18號上午10點半發生嚴重火災，工作室一樓傳出爆炸聲響後冒出濃煙、整整三層樓嘅建築物全面起火燃燒，情況相當嚴峻。根據日本最新消息，已經確定多人傷亡，估計有超過10死亡。警方已經逮捕咗一名41歲嘅縱火嫌疑犯，初步調查話犯人喺現場潑灑汽油、係咁講「去死吧」。網民見到咁嘅悲劇，形容慘烈到好似恐襲咁。
香港人一向熱愛日本文化，有大把日本動漫嘅Fans，今次呢個悲劇一出，網路上嘅反應當然好大喇！我哋一齊睇睇網民點講今次嘅慘案：
香港人一向熱愛日本文化，有大把日本動漫嘅Fans，今次呢個悲劇一出，網路上嘅反應當然好大喇！我哋一齊睇睇網民點講今次嘅慘案：
「大俠郭靜」：心情好down，日本動畫已經開始做唔起，再黎單咁既野。
「雜敗北」：細細個就睇住佢d動畫大，涼宮、key3部曲、kon、冰果etc，望到宜家個情況真係眼濕濕。
「aka功夫胖妹」：京阿尼應該重創，唔係錢既問題，係佢公司結構，同埋根本請唔返呢d質素既畫師，加上咁高水準既作畫，連外判都搞唔掂。
Image source:IG fighterstudiohk
雖然警方仲未正式宣布調查結果，但網上就流傳話，犯人係對《吹響吧！上低音號》動漫劇情不滿，因為劇中女主角黃前久美子交了男朋友，所以惡意針對制作動漫嘅「京都動畫」公司縱火。亦都有人話，犯人覺得佢哋公司抄襲，但抄咗咩呢？網上就得個估字。一切係真係假，都要等待警方調查真相。但係無論係點都好，悲劇已經造成，人命已經逝去，我哋除咗默哀，都只有希望佢哋早日渡過難關。
延伸閱讀►►►
