全民派一萬蚊 網民教你點樣使！
今日（2月26日），香港財政司司長陳茂波公布新年度的《財政預算案》，其中落實為18歲或以上的香港永久性居民派發現金1萬蚊。網民得到消息後，廣泛討...
image source：編輯自Facebook／政府新聞網直播影片截圖
文／偉文
財政司司長陳茂波喺今日（2月26日）公布最新一份《財政預算案》，當中落實萬眾期待嘅派錢，向18歲或以上的香港永久性居民派發現金1萬蚊，總共涉及約650億港元。
image source：Facebook／2020-21年度財政預算案 影片截圖
依個眾望所歸嘅派錢消息一出，即時引起廣大市民討論，唔少人仲已經講緊啲錢要點用，一齊睇睇佢哋講咗邊幾點：
推動經濟：有唔少網民就話會因應政府所講，拎筆錢去消費，不過都會睇返間鋪嘅政治立場先再作選擇。
買好多盒口罩：有網民話最近買口罩買到驚咗，有依筆錢梗係即時買多啲口罩以備不時之需
儲住應急：有人話因為社會運動同武漢肺炎疫情影響，收入大減令到佢個心好唔踏實，依一萬蚊就儲起佢好啲。
捐畀人道支援基金：有唔少人就表示，會捐啲錢去人道求援基金到，幫助啲冇錢打官司、食飯同埋買物資嘅人支持獨立媒體：又有人話，會用筆錢去支持獨立媒體，支持佢哋做落去，為香港市民報導更多嘅優質新聞。
外國旅遊消費：當然有唔少人就諗住疫情完咗之後，用舊錢去個旅行抖吓，因為近一年壓力太大，回個氣咁話
買新電話：都有人要留返嚟等新電話出，買部新電話爽吓咁。
唔知大家又諗好點使依1萬蚊未呢？
延伸閱讀：
加網路溫度計香港版嘅Telegram，日日都有最新資訊：https://t.me/dailyviewhk
